By ماسٹرشینگن موٹرز لمیٹڈ نے فیس لفٹنگ کے بعد نئی شینگن اوشن ایکس متعارف کروادی۔
اوشن ایکس 7میں کئی نئے فیچرز متعارف کرائے گئے ہیں اور اس کی قیمت میں بھی 2لاکھ روپے تک کی کمی کی گئی ہے۔ قیمت میں کمی کے بعد گاڑی کے 7سیٹر کمفرٹ ماڈل کی تعارفی قیمت 80لاکھ 99ہزار روپے رکھی گئی ہے۔
5سیٹر فیوچر سینس ماڈل کی قیمت 87لاکھ 49ہزار روپے اور 7سوٹر فیوچر سینس کی قیمت 88لاکھ 99ہزار روپے مقرر کی گئی ہے۔ گاڑی کے تینوں ماڈلز کی قیمتوں میں کمی ایک محدود مدتی آفر کے تحت اور محدود کوٹہ کیساتھ کی گئی ہے۔ رپورٹ کے مطابق گاڑی میں 7سیٹر آپشن کا اضافہ اس نئی اپ ڈیٹ میں کیا گیا ہے۔
مزید پڑھیں: استعمال شدہ بہترین گاڑیاں جو آپ 15لاکھ روپے کے اندر خرید سکتے ہیں
نئی اوشن ایکس 7فیوچر سینس میں 1.5لیٹر ٹربو چارجڈانجن دیا گیا ہے جو 185ہارس پاور اور 3سونیوٹن میٹر ٹارک پیدا کر تاہے۔ انجن کی یہ طاقت 7سپیڈ ڈی سی ٹی ٹرانسمیشن کے ذریعے ٹائروں کو منتقل کی جاتی ہے۔ گاڑی کے دیگر فیچرز میں چار ایئربیگز، اینٹی لاک بریکنگ سسٹم(اے بی ایس) ، الیکٹرانک سٹیبلٹی پروگرام (ای ایس پی) لین ڈیپارچر وارننگ اور اڈاپٹو کروز کنٹرول و دیگر شامل ہیں۔
اپ ڈیٹڈ اوشن ایکس 7میں نئی فرنٹ گرِل، نئے ڈیزائن شدہ الائے وہیلز اور نیا ٹو سپوک سٹیئرنگ وہیل دیا گیا ہے۔ اس کے علاوہ اس گاڑی میں 10انچ کلسٹر میٹر، اینڈرائیڈ آٹو اور کارپلے سپورٹ کی حامل7انچ ایل سی ڈی، وائس کمانڈ فیچر، نیا ایچ ایم آئی، 360ڈگری کیمرا ایڈن اور سافٹ ٹچ سٹیئرنگ بٹن دیئے گئے ہیں۔
