By تھرپارکر میں بارش کے دوران آسمانی بجلی گرنے سے ایک ہی دن میں 4 واقعات میں 8 افراد جاںبحق ہوگئے ہیں۔
تھر کول پاور پراجیکٹ سے 30 کلومیٹر پر واقع گائوں آکراڑو میں آسمانی بجلی گرنے کے دو واقعے پیش آئے جس میں سے ایک کی خاندان کے چار افراد جبکہ دوسرے خاندان کے دو افراد جاں بحق ہوئے ہیں۔ تحصیل چاچھرو کے گائوں خمیسو منگریو میں آسمانی بجلی گرنے سے 11 سالہ بچی فرزانہ جاں بحق ہوگئی ہے جبکہ تھرپارکر اور گردونواح کے علاقوں کے مختلف علاقوں میں آسمانی بجلی کرنے کے واقعتا میں 200 سے زائد مویشیوں کے مرنے کی بھی اطلاعات ہیں ۔ اس حوالے سے نگرپارکر کے ہسپتال زرایع نے بھی تصدیق کی ہے کہ گائوں آکراڑو اور گاؤں بانٹازیو میں آسمانی بجلی گرنے سے مختلف واقعات میں 8 افراد جاں بحق ہوئے ہیں ۔
یہ بھی پڑھیں: تحریک انصاف کاجماعت اسلامی کے دھرنے کو سپورٹ کرنے کا اعلان
مقامی زرایع کے مطابق ایک ہی خاندان کے 6 افراد کھیت میں موجود تھے کہ آسمانی بجلی گری، جس کے نتیجے میں جاں بحق ہونیوالوں میں دو 8سالہ بچیاں،ایک دس سالہ بچہ اور 2 نوجوانوں سمیت ایک بزرگ شامل ہے۔ تھرپارکر، نگرپارکر کے مختلف دیہاتوں میں گرج و چمک کے ساتھ وقفے وقفے سے بارش کا سلسلہ جاری ہے ۔
