صدر آصف علی زرداری کی پیدائشی نابینا شخص کو پنشن دینے کی ہدایت

صدر آصف علی زرداری کی پیدائشی نابینا شخص کو پنشن دینے کی ہدایت

صدر مملکت آصف علی زرداری نے ایمپلائز اولڈ ایج بینیفٹس انسٹیٹیوشن کو ہدایات جاری کرتے ہوئے کہا ہے پیدائشی نابینا شخص محمد شہزاد کو والد کی پنشن کی ادائیگی یقینی بنائی جائے۔

ایوانِ صدر کی تفصیلات کے مطابق ای او بی آئی نے پیدائشی نابینا شخص کی پنشن ادائیگی کی درخواست کو مسترد کر دیا تھا ، جس پر محمد شہزاد (شکایت کنندہ) نے وفاقی محتسب کے پاس شکایت درج کروائی تھی ، معذور شہری کے خاندان کے افراد وفات پاچکے ہیں ، پنشن وصول کررہے تھے۔ صدرِ مملکت آصف علی زرداری نے کہا کہ شکایت کنندہ کو ریاست کی جانب سے بے رحمانہ حالت میں نہیں چھوڑا جا سکتا اور افسوس کا اظہار کیا کہ ای او بی آئی نے معذورشخص کے ساتھ سنگین بے حسی کا مظاہرہ کیا اور ہدایات جاری کی کہای او بی آئی نابینا شہری کو اپنے موجودہ فنڈز میں سے پنشن ادا کرے ۔ محمد شہزاد (شکایت کنندہ) نے وفاقی محتسب کے پاس شکایت درج کرائی تھی ۔

یہ بھی پڑھیں: پنجاب حکومت کا داتا صاحب ؒکے عرس کے موقع پر 26 اگست کو عام تعطیل کا اعلان

شکایت کنندہ کے والدمحمد افضل ظفر، ای او بی آئی کے اولڈ ایج پنشنر تھے ، 2016 ء میں وفات پا گئے اور شکایت کنندہ کی والدہ باپ کی زندگی کے دوران ہی انتقال کر چکی تھی ۔محمد شہزاد نے والد کے “معذور قانونی وارث “کے طور پر پنشن کیلئے ای او بی آئی سے درخواست کی ، اور ای او بی آئی نے پیدائشی نابینا شخص کی درخواست کو مسترد کر دیا تھا۔ ای او بی آئی کا مؤقف تھا کہ صرف 18 سال سے کم عمر مرد فیملی پنشن کے اہل ہیں، محمد شہزاد 44 سال کے تھے اوروفاقی محتسب کی جانب سے شکایت کی مزید تحقیقات بند ہونے کے بعد شہری نے صدر ِپاکستان سے اپیل کی تھی جس پر صدر مملکت نے شکایت کنندہ کی اپیل منظور کی ، ادارے کو پنشن ادائیگی کی ہدایت کی ۔ صدر مملکت نےکہا کہ آئین کی روح کے مطابق معذور شخص کو ایسی پنشن سے محروم نہیں کیا جا سکتا اورنابینا شہری پنشن حاصل کرنے والے کسی بھی شخص سے کہیں بہتر سلوک کا مستحق ہے ۔ای او بی آئی کے قانون پر نظرثانی کی جائے اوروفاقی پالیسی کے مطابق ڈھالا جائے۔

Related Articles

Leave a Reply

Your email address will not be published. Required fields are marked *