By امیر جماعت اسلامی پاکستان حافظ نعیم الرحمٰن نے کہا ہے کہ آ ج چترال سے لیکر کراچی تک کامیاب ہڑتال ہو گی۔
تفصیلات کے مطابق اپنے بیان میں حافظ نعیم کا کہنا تھا کہ حکومت تاجر دوست کے نام پر تاجر کُش سکیمیں متعارف کروا رہی ہے، مجھے پُورا یقین ہے کہ ملک بھر کی کوئی بھی تاجر تنظیم اپنی کمیونٹی اور عو امی مفاد کے خلاف حکومت کے جھانسے میں نہیں آئیگی۔
تاجروں سے اپیل کرتا ہوں وہی کام کریں جو ملک و قوم کے مفاد میں ہے ۔ حافظ نعیم الرحمان نے کہا کہ حکمرانوں کو چاہیے کہ وہ اپنی مراعات چھوڑ دیں ، ہم ان کی بڑی گاڑیوں کا بوجھ اٹھا نے کی سکت نہیں رکھتے ۔
عوام نام نہاد حکمرانوں کے مفت بجلی اور عیاشیوں کے خرچے مزید اٹھانے کو تیار نہیں۔ ان کا کہنا تھا کہ تاجر ٹیکس دینے کے لیے تیار ہیں لیکن مارکیٹوں کی بنیاد پر ٹیکسوں کا تعین انہیں کسی صورت منظور نہیں، جاگیرداروں پر ٹیکس عائد کیا جائے، حکمران طبقہ اپنے خرچے کم کرے۔
یہ بھی پڑھیں:بانی پی ٹی آئی پنجاب کی تنظیم سےکیوں مطمئن نہیں؟لطیف کھوسہ کابڑا بیان آگیا
حافظ نعیم الرحمان نے کہا کہ آئی پی پیز معاہدے ختم کئے جائیں تو خودبخود تاجروں اور عوام کو ریلیف ملے گا، آج کی ہڑتال ایک دن کی کوشش، حکومت کو گھٹنے ٹیکنے پر مجبور کریں گے اور اسے پیچھے ہٹنا پڑے گا۔ امیر جماعت اسلامی کا مزید کہنا تھا کہ آج ہی تاجروں سے مشاورت کے بعد آئندہ کے لائحہ عمل کا اعلان کیا جا ئیگا۔
