By ترجمان دفتر خارجہ نے کہا ہے کہ پاکستان لبنان کے خلاف اسرائیل کی تازہ ترین فوجی جارحیت کی شدید ترین الفاظ میں مذمت کرتا ہے۔
تفصیلات کے مطابق اسرائیلی جارحیت کے نتیجے میں سینکڑوں شہریوں کا قتل عام ہوا ہے جس پر ترجمان دفترِ خارجہ نے مذمتی بیان جاری کرتے ہوئے کہا ہے کہ لبنان کے خلاف جارحیت کا یہ عمل اقوام متحدہ کے چارٹر اور بین الاقوامی قوانین کی سنگین خلاف ورزی ہے۔ ترجمان دفترِ خارجہ ممتاز زہرا بلوچ نے کہا ہےکہ ایسی جارحیت پہلے سے غیر مستحکم خطے میں امن و سلامتی کو مزید خطرے میں ڈال سکتی ہے ۔
مزید پڑھیں: بلاول بھٹو زرداری نے عدالتی نظام میں اصلاحات کو ناگزیر قرار دیدیا
انہوں نے کہا کہ پاکستان لبنان کی خودمختاری اور علاقائی سالمیت کے لیے اپنی مکمل حمایت کا اعادہ کرتا ہے اورپاکستان لبنان کے عوام کے ساتھ یکجہتی اور امن و سلامتی کے ساتھ رہنے کے حق کے لیے کھڑا ہے۔ممتاز زہرا بلوچ نے کہا کہ ہم عالمی برادری سے مطالبہ کرتے ہیں کہ وہ اسرائیل کو خطے میں اس کی خطرناک مہم جوئی اور جارحیت اور نسل کشی کی کارروائیوں کا محاسبہ کرنے کے لیے فوری اقدامات کرے۔
