By ہربنس پورہ لاہور میں لیڈی پولیس کانسٹیبل کو قتل کرنے والا ملزم خود بھی پولیس اہلکار نکلا۔
تفصیلات کے مطابق لیڈی کانسٹیبل کو قتل کرنے والے ملزم کی شناخت کانسٹیبل فاروق کے نام سے ہوئی۔ لیڈی کانسٹیبل موٹرسائیکل پر ایک نوجوان کانسٹیبل کے ساتھ آئی۔ کانسٹیبل اور لیڈی کانسٹیبل کے درمیان جھگڑاہوا۔ کانسٹیبل نے لیڈی کانسٹیبل پر قریب پارک میں تشدد کیا۔
مقامی لوگوں نے نوجوان کانسٹیبل کو منع کیا اور لڑکی سے معافی مانگنے کا کہا لیکن ملزم نے پسٹل نکال کر پہلے ہوائی فائرکیے۔ ہوائی فائرنگ سے مقامی لوگ منتشر ہوگئے۔ اس کے بعد ملزم نے لیڈی کانسٹیبل کے پہلے پاوں میں اور پھر سرمیں تین گولیاں ماریں۔ ملزم قتل کی واردات کے بعد جائے وقوعہ سے فرار ہوگیا۔
ڈی آئی جی آپریشنز فیصل کامران نے واقعہ کا نوٹس لے لیااورایس پی کینٹ کو ملزم کی جلد از جلد گرفتاری کی ہدایت کر دی۔
