By اسلام آباد میں 14 اکتوبر سے شروع ہونیوالی شنگھائی تعاون تنظیم کے حوالے سے پمز ہسپتال انتظامیہ کی جانب سے تمام ڈیپارٹمنٹس کے لیے سرکل جاری کر دیا گیا ہے اور اہسپتال کو ہائی الرٹ رکھنے کا فیصلہ کیا گیا ہے۔
تفصیلات کے مطابق پمز ہسپتال انتظامیہ نے اسلام آباد میں اگلے ہفتے سے شروع ہونیوالی شنگھائی تعاون تنظیم کے اجلاس کے حوالے سے پمز ہسپتال کو ہائی الرٹ رکھنے کا فیصلہ کیا ہے اور شفٹ اسٹاف، ایمرجنسی اسٹاف،کلینیکل ڈیپارٹمنٹس کو ہنگامی روسٹر تیار کرنے کی ہدایت دیدی گئی ہے۔ پمز انتظامیہ کی جانب سے جاری سرکلر میں کہا گیا ہے کہ جنرل سرجری، نیورو سرجری، آرتھوپیڈک، کارڈیالوجی، کریٹیکل ایریا اور ایمرجنسی میں اسٹاف کی تعیناتی یقینی بنائی جائے ۔
مزید پڑھیں: خیبر پختونخوا حکومت کا آئی جی سے اختیارات واپس لینے کا فیصلہ، پولیس ایکٹ میں ترامیم شامل
اس حوالے سے پمز ہسپتال انتظامیہ نے سرکلر میں کہا ہے کہ عملے کی جانب سے دی گئی چھٹیوں کی کسی درخواست پر عمل نہیں کیا جائے گا۔ڈائریکٹر ایمرجنسی پمز ڈاکٹر شرجیل ظہیر کو ہائی الرٹ کے دوران فوکل پرسن مقرر کر دیا گیا ہے اورپمز ہسپتال میں ہائی الرٹ 13 اکتوبر سے 17 اکتوبر تک نافذ رہے گا۔
