شنگھاہی تعاون تنظیم کے سربراہان اجلاس میں شرکت کے لیئے روسی فیڈریشن کے ڈپٹی وزیراعظم الیکسی اوورچک اور ایک اعلیٰ سطحی وفد پاکستان پہنچ گئے ہیں۔
سفارتی ذرائع کے مطابق روسی وزیر اعظم میخائل ولادیمیرووچ مشہوسٹن آج رات اسلام آباد پہنچنے گے اور ان کے ہمراہ ایک بڑا وفد بھی آئے گا۔ یہ وفد دو حصوں میں پاکستان پہنچ رہا ہے، جس میں روسی وزیراعظم اور ڈپٹی وزیراعظم کے علاوہ دو سے تین وزراء بھی شامل ہیں۔ یہ وفد اس وقت سب سے بڑا وفد ہے جو ایس سی او (شنگھائی تعاون تنظیم) کے سربراہان مملکت اجلاس کے لیے روسی فیڈریشن کی جانب سے بھیجا جا رہا ہے۔ دلچسپ بات یہ ہے کہ اس وفد میں 58 سے زائد روسی صحافی بھی شامل ہیں۔
مزید بڑھیں: پی ٹی آئی خیبر پختونخوا میں بغاوت، اہم رہنماؤں سے استعفے کا مطالبہ
میخائل ولادیمیرووچ مشہوسٹن کل ہونے والے ایس سی او سربراہان حکومت اجلاس میں شرکت کریں گے اور اس کے علاوہ اعلیٰ پاکستانی انتظامیہ سے ملاقاتیں بھی کریں گے۔ یاد رہے کہ روس اور چین ایس سی او کے بانی ممالک ہیں، جنہوں نے مل کر 1996 میں شنگھائی فاییو کی بنیاد رکھی تھی، جو بعد میں شنگھائی تعاون تنظیم میں تبدیل ہوئی۔