By پاکستان پیپلز پارٹی کے چیئرمین بلاول بھٹو زرداری نے سانحہ کارساز کی 17 ویں برسی پر جاری پیغام میں 180 شہدا کو خراجِ عقیدت پیش کیا۔
چیئرمین بلاول بھٹو زرداری کا سانحہ کارساز کے 180 شہید جیالوں کو خراج عقیدت پیش کرتے ہوئے کہا کہ کارساز حملہ ایک سوچی سمجھی سازش تھی اورآمریت اور دہشت گردوں نے مل کر شہید محترمہ بینظیر بھٹو اورپارٹی کی مرکزی قیادت کو نشانہ بنایا۔ بلاول بھٹو زرداری نے کہا کہ
شہید محترمہ بینظیر بھٹو کو اُس وقت نشانہ بنایا گیا، جب 30 لاکھ لوگ ان کے استقبال کے لیے موجود تھے اورجو لوگ دہشت گردی اور تشدد کے ذریعے جمہوریت کی آواز کو دبانا چاہتے تھے، وہ ناکام ہو چکے ہیں۔ سانحہ کارساز یاد دلاتا ہے کہ بہادر جیالوں نے جمہوریت کے کاز کی خاطراپنی جانوں کا نذرانہ پیش کیا۔ انکا کہنا تھا کہ جیالوں کی قربانی ہمارے اس طویل اور پرامن جمہوری پاکستان کے سفر کا اٹوٹ حصہ ہے۔
مزید پڑھیں: صدر زرداری، بلاول ، فضل الرحمٰن کی جاتی امرا آمد، مجوزہ 26ویں آئینی ترمیم پر مشاوت
پرامن جمہوری پاکستان کی جدوجہد وہ سفر ہے جس کی قیادت شہید محترمہ بینظیر بھٹو نے کی۔ بلاول بھٹو زرداری کا کہنا تھا کہ شہداء کارساز کا خون ہمیں انتہاپسندی اور ناانصافی کے خلاف لڑنے کا حوصلہ دیتا ہے اورہمارے شہداء کی قربانی اُن مُٹھی بھر عناصر سےلڑنے کی ترغیب دیتی ہے جو عوام کے حقوق غضب کرنے پر تُلے ہوتے ہیں۔ ہمارا عزم شہید ذوالفقار علی بھٹو اور شہید محترمہ بینظیر بھٹو کے وژن کے ساتھ مضبوط ہے، بلاول بھٹو زرداری نے کہا کہ ہم ہر پاکستانی کے حقوق کے تحفظ کے لیے ثابت قدم رہیں گے، جمہوریت کی حفاظت کریں گے اورقوم سانحہ کارساز کے شہداء کی قربانیوں کو یاد رکھیں اور ان کے مشن کو آگے بڑھائیں گے۔انہوں نے کارساز سانحہ کےحوالےسےجاری پیغام میں کہا کہ آج ہم یہ تجدید عہد کرتے ہیں کہ جمہوریت کی حفاظت کریں گے۔
مزید پڑھیں: 26 ویں مجوزہ آئینی ترمیم کے اہم نکات سامنے آگئے
ہم عہد کرتے ہیں کہ انتہاپسندی کے خلاف ڈٹ جائیں گے۔ہم عہد کرتے ہیں کہ کسی طاقت کو ہمارے پیارے ملک کی ترقی کو پٹڑی سے اتارنے نہیں دیں گے۔عوام کی خدمت میں جمہوریت، انصاف اور قربانی کے اصولوں پر پیپلز پارٹی کا عزم غیر متزلزل ہے۔ چیئرمین بلاول بھٹو زرداری کا شہداء کارساز کے خاندانوں سے دلی ہمدردی و یکجہتی کا اظہار کرتے ہوئے بلاول بھٹو زرداری نے شہدا کے لواحقین کو یقین دہانی کرواتے ہوئے کہا کہ پیپلز پارٹی ہمیشہ آپ کے پیاروں کی یاد کو احترام سے زندہ اور ان کے مشن کو آگے بڑھائے گی۔
