ہونڈا سٹی پاکستانی آٹو مارکیٹ میں ایک مضبوط مقام رکھتی ہے اور یہ اپنی آرام دہ ڈرائیو اور شاندار کارکردگی کی بدولت خریداروں کی پسندیدہ گاڑیوں میں شامل ہے۔ نئی جنریشن ہونڈا سٹی کا بیرونی ڈیزائن نہ صرف خوبصورت ہے بلکہ اس میں جدید ٹیکنالوجی بھی شامل کی گئی ہے، جیسے پُش بٹن اسٹارٹ اور کی لیس انٹری۔ اس کے علاوہ خودکار درجہ حرارت کنٹرول، جدید LED ہیڈلائٹس، LED ٹیل لائٹس اور ایک جدید ملٹی میڈیا سسٹم بھی فراہم کیا گیا ہے۔
ہونڈا سٹی میں 1.5 لیٹر i-VTEC انجن ہے جو طاقت اور فیول ایفیشیئنسی کا شاندار امتزاج فراہم کرتا ہے، جو کہ شہر کے سفر اور طویل دورانیے کے سفر دونوں کے لیے مثالی ہے۔ اس کے علاوہ گاڑی میں ایئر بیگز، اینٹی لاک بریکنگ سسٹم (ABS)، اور وہیکل اسٹیبلیٹی اسسٹ (VSA) بھی موجود ہیں، جو سڑک پر محفوظ ڈرائیونگ کو یقینی بناتے ہیں۔
ہونڈا سٹی 1.5LS CVT کی قیمت
ہونڈا سٹی 1.5LS CVT کی فیکٹری قیمت پاکستان میں نومبر 2024 تک بغیر کسی تبدیلی کے 5,439,000 روپے ہے۔
ہونڈا سٹی 1.5 CVT کے لیے پانچ سالہ قسطوں کا پلان
میزان بینک پاکستان میں ہونڈا سٹی 1.5 CVT کے لیے آسان پانچ سالہ قسطوں کا پلان پیش کرتا ہے۔ اس پلان میں 30% سیکیورٹی ڈپازٹ، 5% ریزیڈیول ویلیو اور پروسیسنگ فیس شامل ہے۔
خریدار کو پیشگی ادائیگی کے طور پر 1,634,800 روپے ادا کرنے ہوں گے جبکہ ماہانہ قسط 60 مہینوں کے لیے 110,442 روپے ہوگی۔
ہونڈا سٹی کی یہ خصوصیات اسے پاکستان کی آٹو مارکیٹ میں ایک مقبول مقام دلاتی ہیں، خاص طور پر ان لوگوں کے لیے جو آسان اقساط پر اپنی گاڑی کی خریداری چاہتے ہیں۔
By 
