شمالی وزیرستان کے علاقے سپین وام میں دہشت گردوں کی موجودگی کی خفیہ اطلاع پر سیکیورٹی فورسز نے بروقت اور مؤثر کارروائی کی۔ آپریشن کے دوران دہشت گردوں کے ٹھکانے کو نشانہ بنایا گیا اور شدید فائرنگ کے تبادلے کے بعد چار دہشت گرد مارے گئے۔
ہلاک ہونے والے دہشت گردوں کے قبضے سے بھاری مقدار میں اسلحہ اور گولہ بارود برآمد کیا گیا۔ آئی ایس پی آر کے مطابق یہ دہشت گرد نہ صرف سیکیورٹی فورسز پر حملوں بلکہ بے گناہ شہریوں کی ٹارگٹ کلنگ میں بھی ملوث تھے۔ سیکیورٹی فورسز کا علاقے میں مکمل صفائی کے لیے آپریشن جاری ہے تاکہ دہشت گردی کے کسی بھی باقی ماندہ عنصر کو ختم کیا جا سکے۔
پاکستان کی سیکیورٹی فورسز دہشت گردی کے ناسور کو جڑ سے اکھاڑ پھینکنے کے لیے بھرپور عزم کے ساتھ کارروائیاں جاری رکھے ہوئے ہیں۔ یہ آپریشن اسی سلسلے کی ایک کڑی ہے ۔
By 
