پاکستانی شہریوں کے لیے ملائیشیا وزٹ ویزا کی آن لائن فیس کی تفصیلات جاری

ملائیشیا نے پاکستانی شہریوں کے لیے اپنے ملک کا دورہ کرنے کے خواہش مند افراد کے لیے ای ویزا سروس کا آغاز کر دیا ہے۔اس کا مطلب ہے کہ اب پاکستانی شہری ملائیشیا جانے کے لیے آن لائن وزٹ ویزا حاصل کر سکتے ہیں۔

ای ویزا ایک آن لائن درخواست پلیٹ فارم ہے جو غیر ملکی شہریوں کو ملائیشیا میں داخلے کے لیے الیکٹرانک ویزا کی درخواست دینے کی سہولت فراہم کرتا ہے۔پاکستانی شہری ملائیشیا کے لیے 6 ماہ تک کے ای ویزا کے لیے درخواست دے سکتے ہیں۔

تاہم ویزا حاصل کرنے کے لیے کچھ ضروری دستاویزات کی ضرورت ہوگی، جن میں پاسپورٹ کی سوانح حیات سے متعلق معلومات کا صفحہ (ڈیجیٹل کاپی)، پاسپورٹ سائز کی تصویر، ہوٹل کی ریزرویشن یا رہائش کا ثبوت، واپسی کا ٹکٹ اور فنڈز کا ثبوت شامل ہیں۔

پاکستان میں ملائیشیا وزٹ ویزا کی فیس 20 ملائیشین رنگٹ ہے، جو فروری 2025 تک تقریباً 1258 پاکستانی روپے کے برابر بنتی ہے۔ اس کے علاوہ درخواست دہندگان کو سروسز چارجز کے ساتھ ساتھ ویزا پروسیسنگ فیس بھی ادا کرنی ہوگی جو کہ 105 رنگٹ ہے۔ درخواست دہندگان یہ فیس ڈیبٹ یا کریڈٹ کارڈ کے ذریعے ادا کر سکتے ہیں۔