گورنر ہاؤس لاہور میں یوم پاکستان کے موقع پر تقریب: سینئر صحافیوں کو سول اعزازات سے نوازا گیا

گورنر ہاؤس لاہور میں یوم پاکستان کے موقع پر سول ایوارڈز کی تقریب منعقد کی گئی جس میں گورنر پنجاب سردار سلیم حیدر خان نے مختلف شعبوں میں نمایاں خدمات سرانجام دینے والی شخصیات کو اعزازات سے نوازا۔

معروف صحافی سلمان غنی کو صحافت میں بہترین کارکردگی پر ستارہ امتیاز جبکہ اینکر پرسن کامران شاہد کو میڈیا انڈسٹری میں نمایاں خدمات پر تمغہ امتیاز سے نوازا گیا۔

یہ بھی پڑھیں:ایڈیشنل ڈائریکٹر جنرل سائبر کرائمز ایف آئی اے ڈاکٹر وقار الدین سید کو ستارہ امتیاز سے نواز دیا گیا

کولن ڈیوڈ جان مرحوم کو دیا جانے والا ستارہ امتیاز ان کی بیوہ پروفیسر رخسانہ ڈیوڈ نے وصول کیا جبکہ میاں رفیق نے اپنے مرحوم والد میاں عزیز احمد کی جانب سے ایوارڈ قبول کیا۔

یہ بھی پڑھیں:افغانستان میں امریکہ کا چھوڑا ہوا اسلحہ شدت پسندوں کے پاس ہے، فیصل کریم کنڈی

صدارتی ایوارڈ برائے پرائیڈ آف پرفارمنس حاصل کرنے والوں میں حامد رانا، صاحبہ ارشد اور عامر اشفاق شامل تھے جبکہ تمغہ امتیاز رفیع الدین، عماد شکیل بٹ، رباب سکندر اور سینئر اینکر مزمل سہروردی کو دیا گیا۔ سینئر صحافی نصراللہ ملک اور منیب فاروق، ڈاکٹر رفیع الدین اور گلوکارہ فریحہ پرویز کو بھی ایوارڈز سے نوازا گیا۔