پنجاب حکومت کی جانب سے صوبے بھر میں 14 اپریل کو پنجابی ثقافت کا دن منانے کا فیصلہ کیا گیا ہے، اس حوالے سے صوبے کے تمام سرکاری اداروں کو مراسلہ جاری کر دیا گیا ہے۔
تفصیلات کے مطابق پنجاب حکومت کی ہدایات پر شعبہ معلومات و ثقافت پنجاب نے صوبے بھر میں 14 اپریل کو پنجابی ثقافت کا دن منانے کا نوٹیفکیشن جاری کر دیا گیا ہے اور اس حوالے سے صوبہ کے تمام سرکاری اداروں کو بھی مراسلہ بھجوا دیا گیا۔
مراسلے میں کہا گیا ہے کہ اداروں کے صوبائی و ضلعی سربراہان ثقافتی لباس زیب تن کریں گے، مرد سر پر پگڑی اور خواتین چنری اوڑھیں گی۔
صوبائی اور ضلعی سطح پر پنجابی مشاعرے اور نعتیہ محافل کے انعقاد کی بھی ہدایت کی گئی ہے، سکولوں اور کالجوں کی انتظامیہ کو بھی ثقافتی دن میں بھرپور شرکت کی ہدایت کی گئی ہے۔
By 
