ترجمان دفتر خارجہ نے کہا ہے کہ پاکستانی شہریوں کے ویزے منسوخ کرنے کا بھارتی فیصلہ سنگین انسانی المیہ پیدا ہونے کا سبب بن سکتا ہے۔
تفصیلات کے مطابق بھارت سے واپس آنے والے پاکستانی شہریوں کے لیے واہگہ بارڈر کراسنگ کی دستیابی کے بارے میں میڈیا کے سوالات کا جواب دیتے ہوئے وزارت خارجہ کے ترجمان کا کہنا تھا کہ پاکستانی شہریوں کے ویزے منسوخ کرنے کا بھارتی فیصلہ سنگین انسانی چیلنجز پیدا کر رہا ہے۔
انہوں نے کہا بھارتی حکومت کے اس فیصلے کی وجہ سے بہت سے مریضوں کو، جن کی صحت نازک تھی، کو اپنا علاج مکمل کیے بغیر پاکستان واپس آنا پڑا اور اس سنگین فیصلے کی وجہ سے خاندانوں کے منقسم ہونے اور بچوں کے اپنے والدین میں سے کسی ایک سے جدا ہونے کی اطلاعات ہیں۔
ترجمان دفترِ خارجہ نے واضح کیا کہ واہگہ اٹاری بارڈر کراس کرنے کی آخری تاریخ 30 اپریل 2025 تھی اوراس فیصلے کی وجہ سے
کچھ پاکستانی شہری اٹاری میں پھنسے ہوئے ہیں۔
اگر ہندوستانی حکام انہیں اپنی طرف سے سرحد پار کرنے کی اجازت دیتے ہیں تو ہم اپنے شہریوں کا استقبال کرنے کے لیے تیار ہیں۔
انہوں نےواضح کیا کہ واہگہ بارڈر مستقبل میں بھی پاکستانی شہریوں کے لیے کھلا رہے گا۔
By 
