مقبوضہ کشمیر میں پیپلز ڈیموکریٹک پارٹی کی صدر محبوبہ مفتی نے بھارت کی جانب سے مقبوضہ کشمیر کے علاقے پہلگام میں فالس فلیگ آپریشن کے بعد کشمیریوں پر بھارتی افواج کے مظالم سے پردہ اٹھا دیا ہے۔
ذرائع کے مطابق پہلگام فالس فلیگ کے بعد ہزاروں کشمیری مسلمانوں پر بھارتی فوج کا ظلم بڑھ گیا ہے جس پر جموں کشمیر پیپلز ڈیموکریٹک پارٹی کی صدر محبوبہ مفتی نے مودی سرکار کو آڑے ہاتھوں لیا ہے۔
محبوبہ مفتی نے کہا کہ مودی سرکار کی رچائی گئی سازش نے اس کا مکروہ چہرہ بے نقاب کر دیا ہے، پہلگام فالس فلیگ کے بعد بھارتی فوج نے کشمیری مسلمانوں پر ظلم و ستم کا نیا باب کھول دیا ہے۔
انہوں نے کہا کہ پہلگام حملے کے بعد نہتے کشمیری مسلمانوں کو دہشتگرد قرار دے کر ان کو بے دردی سے قتل کیا جا رہا ہے، کُلگام میں ایک اور نہتے کشمیری کی لاش دریا سے برآمد ہوئی ہے، شہید امتیاز مغرے کو 2 دن پہلے بھارتی فوج نے اغوا کیا اور اب اچانک اس کی لاش دریا سے ملی ہے۔
محبوبہ مفتی نے کہا کہ پہلگام فالس فلیگ حملہ مودی کا سوچا سمجھا اقدام تھا، پہلگام دہشتگرد حملے کے بعد کشمیری مسلمانوں کو گرفتار، شہید اور گھروں کو تباہ کیا جا رہا ہے، بانڈی پورہ میں بھی بے گناہ کشمیریوں کو نشانہ بنا کر ان کو بے دردی سے شہید کیا گیا، کُلگام، بانڈی پورہ اور دیگر علاقوں میں مظلوم کشمیریوں کے ساتھ بدسلوکی اور ظلم کر کے ان کو شہید کیاجارہا ہے۔
محبوبہ مفتی نے پہلگام جعلی حملے کی مکمل غیر جانبدارانہ تحقیقات کا مطالبہ کرتے ہوئے کہا کہ کشمیریوں کو ظلم و جبر کی چکی میں پیسنے کے لیے رچایا گیا ڈراما بے نقاب ہونا چاہیے۔
ادھر دفاعی ماہرین نے کہا ہے کہ پہلگام فالس فلیگ مقبوضہ جموں کشمیر کے مسلمانوں کیخلاف مودی کی سازش ہے، پہلگام فالس فلیگ کا مقصد مقبوضہ جموں کشمیر کے بے گناہ مسلمانوں کو نشانہ بنانا ہے، پہلگام حملے کے بعد کشمیری مسلمانوں کی عزت نفس کو پامال کیا جا رہا ہے جبکہ مودی کی جابرانہ پالیسی بے نقاب ہو چکی ہیں۔
By 
