سیکیورٹی صورتحال کے پیش نظر 9 مئی کو شیڈول کیمبرج امتحانات منسوخ کر دیے گئے۔
کیمبرج انٹرنیشنل ایجوکیشن نے سکیورٹی صورت حال کی وجہ سے 9 مئی کو شیڈول کیمبرج امتحانات منسوخ کردیا ہے۔ جاری کئے گئے اعلامیے میں کہا گیا کہ حکام، کیمبرج اور برٹش کونسل سے مشاورت کے بعد سیکیورٹی صورت حال کا جائزہ لیا گیا اور ہماری ترجیح طلبہ اور عملے سے تعاون اور طلبہ کو تعلیم کے میدان میں بہتری کے لیے مدد کرنا ہے۔
اعلامیے میں کہا گیا کہ اسلام آباد، مظفر آباد، میرپور اور پنجاب میں او لیول، آئی جی سی ایس ای، انٹرنیشنل اے ایس اینڈ اے لیول کے 9 مئی کو ہونے والے امتحانات منسوخ کرنے کا مشکل فیصلہ کیا ہے۔
کیمبرج کا کہنا تھا کہ یہ فیصلہ صرف 9 مئی کے امتحان کے لیے ہے اور تمام براہ راست کیمبرج اور برٹش کونسل کے اسکولوں پر لاگو ہوگا۔ مزید کہا گیا کہ کیمبرج کے 11 مئی کو شام کے وقت شیڈول امتحانات کے حوالے سے آگاہ کیا جائے گا۔
اعلامیے میں کہا گیا کہ اگر سکیورٹی صورت حال بہتر رہی تو دیگر شہروں میں 9 مئی کو امتحانات شیڈول کے مطابق ہوں گے۔ کیمبرج کے مطابق کسی بھی تبدیلی کی صورت میں طلبہ کو آگاہ کردیا جائے گا اور جہاں امتحانات منسوخ کردیے گئے ہیں وہاں ہم اپنی مہارت اور بہترین عمل کا استعمال کرتے ہوئے یقینی بنائیں گے کہ ہم شفاف گریڈز دے سکیں تاکہ طلبہ کی ترقی ہو۔
By 
