ایل او سی پر پاک فوج کی بھارتی جارحیت کیخلاف جوابی کارروائی ، بھارتی فوج کی کئی چیک پوسٹیں تباہ

لائن آف کنٹرول پر پاکستان کی بھارتی فوج کیخلاف بھرپور کارروائیاں جاری ہیں ، پاک فوج نے بلا اشتعال فائرنگ کرنے پر بھارتی فوج کی کئی چیک پوسٹیں تباہ کر دیں ۔

سکیورٹی ذرائع کے مطابق  پاک فوج نے بھارتی جارحیت کے خلاف بھرپورجوابی کاروائی میں  کیلر سیکٹر میں ڈوبہ مور پوسٹ،  بٹالین ہیڈ کوارٹر سوجی اورپیر کانتھی سیکٹر میں جبار اینڈ ترکھیاں کمپلیکس مکمل تباہ کردیے ، ان پوسٹوں کی تباہی سے بھارتی  فوج کو بھاری نقصان اٹھاناپڑا۔

سیکیورٹی ذرائع کاکہنا ہے کہ  پاکستان کی موثرجوابی کارروائیوں سےاس سےقبل بھی کئی بھارتی چیک پوسٹ تباہ ہوچکی ہیں۔

میڈیا رپورٹ کے مطابق حاجی پیر سیکٹر میں پاکستان نے بھارتی فوج کےخلاف مؤثر جوابی کارروائی کی، پاک فوج نے بھارتی فوج کی جھنڈا زیارت پوسٹ کو تباہ کردیا، جھنڈا زیارت پوسٹ کی تباہی سے دشمن کو بھاری نقصان اٹھانا پڑا ہے۔

پانڈو سیکٹر میں بھی پاکستان نے بھارتی فوج کیخلاف مؤثرجوابی کارروائی کی، پاک فوج نے بلااشتعال فائرنگ کرنے پر بھارتی فوج کا ہیڈکوارٹر تباہ کردیا۔