سانحہ اے پی ایس خضدار کے معصوم شہداء کی یاد میں تعزیتی تقریب کا انعقاد

 اے پی ایس خضدار میں شہید طلبا و طالبات کی یاد میں باوقار اور رقت آمیز تعزیتی تقریب کا انعقاد کیا گیا جس میں شہر بھر کے مختلف سکولوں کے بچوں نے بڑی تعداد میں شرکت کی۔ بچوں نے ہاتھوں میں پلے کارڈز اور بینرز اٹھا رکھے تھے جن پر شہداء کے لیے دعائیں اور یکجہتی کے پیغامات درج تھے۔

تقریب کے موقع پر بچوں نے دعائیہ کلمات بھی پڑھے۔شمعیں روشن کر کے شہداء کی قربانیوں کو خراج عقیدت پیش کیا۔ اس موقع پر  بلوچستان پولیس کے دستے کی خصوصی شرکت ، شہداء کو سلامی پیش کی۔ تقریب میں  مختلف سیاسی، انتظامی اور سماجی شخصیات بھی اس تقریب میں شریک ہوئیں اور شہداء کے  لواحقین کے ساتھ اظہار یکجہتی ، دشمن کے اس بزدلانہ کاروائی کی شدیدالفاظ میں مذمت کی۔

تقریب میں صوبائی وزیر نور محمد دومڑ، مشیر کھیل و ثقافت مینا مجید بلوچ ، کمشنر کوئٹہ محمد حمزہ شفقات، ڈپٹی کمشنر کوئٹہ مہراللہ بادینی اور ڈی جی پی ڈی ایم اے جہانزیب خان بھی شریک ہوئے۔

یہ بھی پڑھیں: خضدار میں سکول بس پر بھارتی سپانسرڈ دہشتگردوں کے حملے میں زخمی مزید 2 طالبات شہید، تعداد 8 ہوگئی

شرکاء نے  خضدار سانحہ بلوچستان کی تاریخ کا ایک اندوہناک باب قرار دیتے ہوئے کہا کہ  معصوم بچوں کے خون کا حساب ضرور لیا جائے گا۔  اس طرح کے بزدلانہ حملے قوم کے حوصلے کو متزلزل نہیں کر سکتے۔  تقریب کے  شرکاء نے مطالبہ کیا کہ ریاست ایسے دہشت گرد عناصر کے خلاف سخت کارروائی کرے۔

یہ تعزیتی تقریب پیغام ہے کہ ان معصوم شہداء کی قربانی فراموش نہیں کی جائے گی۔  قوم شہداء کے مشن کو جاری رکھتے ہوئے دہشت گردی کے خلاف متحد رہے گی۔