مغربی ہوائیں ملک میں داخل ہونے کیلئے تیار، کل سے بارش کا نیا سلسلہ شروع ہو گا جو9 جون تک جاری رہے گا۔
محکمہ موسمیات نے ملک کے مختلف شہروں میں کل سے 9 جون تک گرج چمک کے ساتھ بارش کا امکان ہے۔ کل مغربی ہواؤں کا سلسلہ بالائی علاقوں میں داخل ہونے کی توقع ہے۔
آج رات سے 5 جون تک کشمیر، گلگت بلتستان، مری، گلیات، چترال میں گرج چمک کے ساتھ بارش ہونے کی توقع ہے، دیر، سوات، مالاکنڈ، مانسہرہ، بٹگرام، شانگلہ، کوہستان اور ایبٹ آباد میں بھی بارش کا امکان ہے۔
محکمہ موسمیات کے مطابق کل شام سے اسلام آباد، راولپنڈی، اٹک، چکوال، جہلم، میانوالی میں وقفہ وقفہ سے بارش اور ژالہ باری کی پیشگوی کی گئی ہے، سرگودھا، حافظ آباد، گوجرانوالہ، گجرات، سیالکوٹ، نارووال، لاہور میں بھی بارش اور ژالہ باری کی توقع ہے۔
خیبرپختونخوا کے کئی مقامات پر بھی آندھی، گرج چمک کے ساتھ بارش و ژالہ باری کا امکان ہے، 7 جون سے 9 جون تک عید پر دیر، سوات، چترال، کوہستان اور مانسہرہ میں تیز ہواؤں کے ساتھ بارش کا امکان ہے۔
By 
