پنجاب حکومت کا صوبے بھر میں الیکٹرک بسیں چلانے کا فیصلہ

پنجاب حکومت نے صوبے بھر میں الیکڑک بسیں چلانے کا فیصلہ کیا ہے۔

پبلک ٹرانسپورٹ سےمحروم اضلاع کے عوام بھی اب اس سہولت سے مستفید ہوں گے، اب مخصوص اضلاع کی بجائے پورے پنجاب میں الیکٹرک بسیں چلیں گی۔

وزیراعظم نے کسانوں کو ریلیف دینے کے لیے زرعی شعبے پر ٹیکس نہ لگانے کی ہدایت کردی، اظہر جاوید کا دعویٰ

پنجاب کے تمام شہروں میں وزیراعلی مریم نواز کی ہدایت پریکساں جدید ٹرانسپورٹ سسٹم کی فراہمی کی جائے گی، محکمہ ٹرانسپورٹ کو 500 کی بجائے 11 سو الیکٹرک بسیں خریدنے کا ٹاسک دے دیا گیا ہے۔

پنجاب کے وزیرٹرانسپورٹ بلال اکبر خان نے کہا کہ چاہے بہاولنگر ہو، اٹک یا لاہور تمام شہر وزیراعلی کیلئے ایک جیسے ہیں، محکمہ ٹرانسپورٹ کو الیکٹرک بسوں کو آپریشنل کرنے کیلئے دسمبر2025 تک کا وقت دیا گیا ہے۔