وزیراعظم شہباز شریف کا ایرانی صدر سے رابطہ، عید الاضحیٰ کی مبارکباد دی

عید الاضحیٰ کے پُرمسرت موقع پر وزیراعظم محمد شہباز شریف نے اسلامی جمہوریہ ایران کے نو منتخب صدر ڈاکٹر مسعود پیزشکیان سے ٹیلیفون پر رابطہ کیا۔

وزیراعظم نے ایرانی صدر اور برادر ملک ایران کے عوام کو دلی عید مبارک دی اور رہبر اعلیٰ آیت اللہ علی خامنہ ای کے لیے نیک تمناؤں کا اظہار بھی کیا۔

وزیراعظم شہباز شریف نے تہران کے اپنے حالیہ دورے کا حوالہ دیتے ہوئے دوطرفہ تعلقات کو باہمی مفادات کے شعبوں میں مزید فروغ دینے کی پاکستان کی خواہش کا اعادہ کیا۔ دونوں رہنماؤں کے درمیان گفتگو میں علاقائی اور عالمی امور پر بھی تبادلہ خیال ہوا، جس میں پاک بھارت تعلقات میں کشیدگی اور غزہ کی سنگین صورتحال پر تشویش شامل تھی۔

وزیراعظم نے صدر پیزشکیان کو پاکستان کے سرکاری دورے کی دعوت بھی دی، جس سے دونوں ممالک کے درمیان برادرانہ اور سفارتی روابط کے مزید فروغ کی امید کی جا رہی ہے۔

یہ بھی پڑھیں: وزیراعظم محمد شہباز شریف کی ایران کے سپریم لیڈر سے ملاقات