روس کے صدر ولادیمیر پیوٹن نے کہا ہے کہ اسرائیل نے ایران میں بوشہر نیوکلیئر پاور پلانٹ میں تعینات روسی اہلکاروں کی حفاظت کے بارے میں یقین دہانی کرائی ہے، یہ تنصیب روسی تعاون سے تعمیر کی گئی ہے اور 3 دہائیوں سے مشترکہ طور پر کام کر رہی ہے۔
غیر ملکی صحافیوں سے ملاقات کے دوران صدر پیوٹن نے اس مقام کی اہمیت اور جوہری توانائی کے شعبے میں ماسکو اور تہران کے درمیان دیرینہ شراکت داری کی اہمیت کو اجاگر کیا اور کہا کہ یہ مقام ایک پرامن ایٹمی مقاصد کے لیے ہے۔
انہوں نے کہا کہ اسرائیل نے ہمیں یقین دلایا ہے کہ بوشہر میں روس کے عملے یا روسی ساختہ انفراسٹرکچر کو کوئی خطرہ یا نقصان نہیں پہنچایا جائے گا۔
واضح رہے کہ روس کے صدر کا یہ بیان ایک ایسے وقت میں سامنے آیا ہے جب اراک ہیوی واٹر ری ایکٹر سمیت متعدد ایرانی مقامات پر اسرائیلی فضائی حملوں کے بعد خطے میں کشیدگی میں اضافہ ہوا ہے۔ اگرچہ بوشہر ان اہداف میں شامل نہیں تھا لیکن اہم انفراسٹرکچر پر غیر ملکی شہریوں کی حفاظت کے خدشات نے روس اور اسرائیل کے درمیان سفارتی رابطوں کو جنم دیا ہے۔
روس نے 1990 کی دہائی سے بوشہر پلانٹ کی ترقی اور آپریشن میں کلیدی کردار ادا کیا ہے اور یہ مقام ایران کے سویلین جوہری توانائی پروگرام کا مرکز رہا ہے۔
By 
