بھارت پاکستان کے ہاتھوں بدترین شکست کے بعد سچ سامنے لانے سے گریزاں، بھارتی فوج کا ایک اور جھوٹا بیانیہ بے نقاب

ایس400 پر تعینات بھارتی سپاہی رام بابو سنگھ کی ہلاکت پر بھارتی فوج کا جھوٹا بیانیہ بے نقاب ہوگیا۔

میڈیارپورٹس کے مطابق بھارتی فوج آپریشن سندور میں پاکستان کے ہاتھوں بدترین شکست کے بعد اپنے فوجیوں کی ہلاکت چھپانے میں مصروف اور تاحال سچ سامنے لانے سے گریزاں ہے اور جھوٹا بیانیہ جاری رکھے ہوئے ہے۔

آپریشن سندور میں شرمناک ناکامی کے بعد بھارتی فوج اپنے سپاہی رام بابو سنگھ کی جنگی ہلاکت کو سڑک حادثہ ظاہر کر رہی ہے جب کہ بہار سے تعلق رکھنے والا جوان، رام بابو سنگھ مئی 2025میں بھارت کے اہم دفاعی نظام S-400 پر تعینات تھا۔

بھارتی سپاہی کی موت سے متعلق بھارتی فوج کی طرف سے فراہم کردہ معلومات متضاد ہیں۔ ابتدائی اطلاعات میں رام بابو کی ہلاکت کو بھارتی فوج نے دوران جنگ ہلاک ہونا قرار دیا تھا۔

کانگریس کی رکن پارلیمنٹ مہوا موئترا نے مودی حکومت کی خارجہ پالیسی کو آڑے ہاتھوں لے لیا، شدید تنقید

بہار کے وزیراعلی نتیش کمار نے 50 لاکھ روپے دینے کا وعدہ کیا، تاہم بھارتی فوج نے بعد میں اس کی تردید کی اور موت کی وجہ سڑک حادثہ قرار دے کر وعدہ کیے گئے 50 لاکھ معاوضہ دینے سے انکار کردیا۔

بھارتی انتظامیہ کی بے حسی اور لاپرواہی نے رام بابو کے خاندان کے حق کو مکمل طور پر نظر انداز کر دیا ہے اور جنگ میں موت کو حادثہ قرار دے کر خاندان کو معاوضے سے محروم کر دیا گیا ہے۔

دوسری طرف رام بابوکی بیوہ ماں بننے والی ہے اور تاحال انصاف کے انتظار میں ہے جب کہ مودی سرکار کی بے حسی اپنی جگہ برقرار ہے۔مودی سرکار رام بابو کی موت کا معاوضہ دینے کے بجائے اس کی قربانی سے ہی انکار کررہی ہے۔

رام بابوکی بیوہ انجلی نے کہا کہ ہم نے کبھی وزیراعلی یا وزرا سے مدد طلب نہیں کی تھی، مدد ان کی طرف سے اعلان کی گئی تھی، معاوضے کے لیے جدوجہد بہت تکلیف دہ ہے،ہم انصاف کے انتظار میں ہیں۔