راول ڈیم میں پانی کی سطح خطرناک حد تک بلند، اسپل وے 20 جولائی کو صبح 6 بجے کھولے جائیں گے: الرٹ جاری

اسلام آباد: این ڈی ایم اے کی جانب سے جاری کردہ الرٹ کے مطابق راول ڈیم کا پانی 1748.40 فٹ کی سطح تک پہنچ گیا ہے۔

اس صورتحال کے پیش نظر، ڈیم کے اسپل وے 20 جولائی 2025 کو صبح 6 بجے کھولے جائیں گے۔ اس عمل کا دورانیہ 5 گھنٹے ہوگا، تاکہ سطح آب کو 1746.00 فٹ تک لایا جا سکے۔

انتظامیہ نے عوام سے گزارش کی ہے کہ وہ واٹر فرنٹ سے دور رہیں، اسپل وے کے قریب فوٹوگرافی یا تفریح سے گریز کریں اور کسی بھی ہنگامی صورتحال کے پیش نظر مقامی انتظامیہ سے رابطے میں رہیں۔

یہ بھی پڑھیں: سیلابی صورتحال: پاک آرمی کا ملک بھر میں وسیع فضائی ریسکیو آپریشن جاری، درجنوں متاثرین محفوظ مقامات پر منتقل