آزاد فیکٹ چیک نے بھارت کا جھنگ میں 105 ایکڑ مدرسے کا جھوٹا دعویٰ بے نقاب کردیا

بھارت سے چلنے والے ایک سوشل میڈیا ہینڈل کی جانب سے یہ دعویٰ کیا گیا تھا کہ مبینہ طور پر لشکرِ طیبہ نے اپنا ہیڈکوارٹر بہاولپور سے جھنگ منتقل کر لیا ہے تاہم آزاد فیکٹ چیک نے اس دعوے کو غلط اور بے بنیاد قرار دیا ہے۔

آزاد فیکٹ چیک کے مطابق بھارتی میڈیا اور سوشل میڈیا پر یہ بیانیہ اس وقت گردش میں آیا جب بھارت نے 6 اور 7 مئی 2025 کی درمیانی شب بہاولپور میں ایک مقام کو فضائی حملے میں نشانہ بنایا۔

یہ خبر بھی پڑھیں :آزاد فیکٹ چیک ،پاک فوج سے متعلق سوشل میڈیا پر پھیلائی گئی خبریں جعلی ہیں
بھارتی دعویٰ تھا کہ وہ مقام لشکرِ طیبہ کا ہیڈکوارٹر تھا تاہم آزاد فیکٹ چیک نے اس مقام کا زمینی حقائق پر جائزہ لیا اور تصدیق کی کہ حملے کا نشانہ بننے والی جگہ ایک مسجد تھی جہاں عام شہری عبادت میں مصروف تھے۔ کسی بھی قسم کی عسکری سرگرمی یا کالعدم تنظیم کا وجود وہاں موجود نہیں تھا۔

Azaad Fact Check has identified misinformation spread by an India-based X handle claiming that Lashkar-e-Taiba (LeT) shifted its headquarters from Bahawalpur to Jhang. International media visited the targeted site in Bahawalpur, attacked by India on the night of May 6-7, 2025,… https://t.co/BYwevKuYto pic.twitter.com/obtzz0v3BZ

— Azaad Fact Check (@azaadfactcheck) July 19, 2025

مزید بر آں آزاد فیکٹ چیک نے جھنگ کے بارے میں کیے گئے دعوے کو بھی غلط قرار دیتے ہوئے واضح کیا کہ جھنگ میں 105 ایکڑ پر مشتمل کسی مدرسے کا کوئی وجود ہی نہیں۔

اس جھوٹے دعوے کا ماخذ وہی ایکس ہینڈل ہے جو متعدد بار مفروضوں، سازشی تھیوریوں اور آدھی سچائیوں پر مبنی بیانیہ پھیلا چکا ہے۔یہ واقعہ بھارتی سوشل میڈیا کے اس رجحان کو اجاگر کرتا ہے جس کے تحت غلط معلومات کو منظم انداز میں پھیلایا جاتا ہے تاکہ بین الاقوامی رائے عامہ کو گمراہ کیا جا سکے۔