بلوچستان میں فتنہ الہندوستان کیخلاف کامیاب آپریشن، 4 دہشت گرد ہلاک

فنتہ الہندوستان کے  خلاف سیکیورٹی فورسز کی بلوچستان میں بڑی کامیابی ، سیکیورٹی فورسز نے بلوچستان میں فتنۃ الہندوستان کے خلاف آپریشن کرتے ہوئے 4 دہشت گردوں کو ہلاک کردیا۔

ذرائع کے مطابق سکیورٹی فورسز نے بلوچستان میں دہشت گردوں کی نقل و حرکت پر آپریشن کیا، پہرود میں کارروائی کے دوران فتنہ الہندوستان کا جھنڈا اور ہتھیار بھی برآمد ہوئے۔

یہ بھی پڑھیں: تھانہ بکا خیل پر فتنۃ الہندوستان کا حملہ ناکام، وزیرداخلہ کا خیبرپختونخوا پولیس کو خراجِ تحسین

ذرائع نے بتایا کہ علاقے میں کلیئرنس آپریشن جاری ہے، فتنہ الہندوستان کے دہشت گردوں اور ان کے سہولت کاروں کو نشان عبرت بنایا جائے گا۔

یہ بھی پڑھیں : ٹھٹھہ : قومی شاہراہ پر بس اُلٹ گئی، 6 افراد جاں بحق، 20 زخمی

ذرائع کے مطابق فتنہ الہندوستان کا نیٹ ورک حالیہ دنوں میں نہتے شہریوں، خواتین اور بچوں کو نشانہ بناتا رہا ہے، اور ان کی بزدلانہ کارروائیاں قومی سلامتی کے لیے ایک سنگین خطرہ بن چکی تھیں۔