جلاؤ گھیراؤ کیس میں شاہ محمود قریشی سمیت 6 ملزمان بری، یاسمین راشد و دیگر کو 10 سال قید

ویب ڈیسک۔ انسداد دہشت گردی کی عدالت نے 9 مئی کے مقدمے میں شاہ محمود قریشی سمیت 6 ملزمان کو بری جبکہ ڈاکٹر یاسمین راشد، میاں محمود الرشید سمیت دیگر 9 ملزمان کو 10 سال قید کی سزا سنا دی ہے۔

عدالت نے شیر پاؤ پل پر اشتعال انگیز تقاریر اور جلاؤ گھیراؤ کے مقدمے کا محفوظ فیصلہ سنا دیا۔

ملزمان اور سرکاری وکلاء کے حتمی دلائل مکمل ہو چکے تھے۔ ایڈووکیٹ برہان معظم اور رانا مدثر عمر نے ملزمان کی جانب سے دلائل دیے، جبکہ سماعت جج ارشد جاوید نے کی، جنہوں نے دلائل مکمل ہونے کے بعد فیصلہ محفوظ کیا تھا۔

محفوظ فیصلے میں کہا گیا ہے کہ انسداد دہشت گردی عدالت نے شاہ محمود قریشی، حمزہ عظیم سمیت 6 ملزمان کو بری قرار دیا جبکہ 9 ملزمان پر جرم ثابت ہونے پر انہیں 10 سال قید کی سزا دی گئی۔

یہ بھی پڑھیں: ملائیشیا میں مولانا طارق جمیل کی عمران خان کے حق میں تقریر کی وائرل ویڈیو جعلی نکلی

سزا پانے والوں میں ڈاکٹر یاسمین راشد، میاں محمود الرشید سمیت دیگر شامل ہیں۔