فیک کوریئرسروسز کے پیغامات سے متعلق ہوشیار رہیں، پی ٹی اے نے انتباہ جاری کردیا

پاکستان ٹیلی کمیونیکیشن اتھارٹی (پی ٹی اے) نے شہریوں کو فیک کوریئرسروسز کے پیغامات سے متعلق خبردار کیا ہے۔

پی ٹی اے کی جانب سے جاری انتباہ میں خبردار کیا گیا ہےکہ شہری کوریئر سروسز کے نمائندے کی جانب سے موصول پیغامات سے ہوشیار رہیں۔ پی ٹی اے کا کہنا ہےکہ کوریئر سروسز نمائندہ فون کال کرکے ویریفکیشن کوڈ سے متعلق معلومات طلب کرتا ہے۔ شہری ایس ایم ایس یا میسجنگ ایپس سے موصول کوئی بھی کوڈ کسی کے ساتھ شیئر نہ کریں۔

مزید پڑھیں: پاکستان غزہ نہیں ایٹمی پاورہے، فلموں سے باہر آجائیں، سابق بھارتی جنرل کا گودی میڈیا کو منہ توڑ جواب

پی ٹی اے کے مطابق یہ کوڈ آپ کے اکاؤنٹس یا ڈیجیٹل شناخت تک غیر مجاز رسائی کے لیے استعمال کیا جاسکتا ہے۔ پی ٹی اے کا کہنا ہے کہ مستند کوریئر کمپنیاں صارفین سےکسی قسم کے کوڈ سے متعلق معلومات طلب نہیں کرتیں۔