عالمی دباؤ کے باوجود پاکستان میں پٹرولیم مصنوعات کی قیمتوں میں اضافہ محدود رکھا گیا ہے، طلال چوہدری

وفاقی وزیر مملکت طلال چوہدری نے کہا ہے کہ مشرقِ وسطیٰ اور ایران کی کشیدہ صورتحال نے عالمی توانائی منڈی کو شدید متاثر کیا ہے۔

سوشل میڈیا کی ویب سائٹ ایکس پر جاری اپنے بیان میں طلال چوہدری نے کہا کہ چند ہی دنوں میں تیل کی قیمت 78 ڈالر سے بڑھ کر 106 ڈالر تک پہنچ گئی ہے جبکہ ڈیزل کی قیمت تقریباً 150 ڈالر فی بیرل تک جا پہنچی ہے۔

انہوں نے کہا کہ ان عالمی دباؤ کے باوجود پاکستان میں اضافہ محدود رکھا گیا ہے۔

مشرقِ وسطیٰ اور ایران کی کشیدہ صورتحال نے عالمی توانائی منڈی کو شدید متاثر کیا ہے۔ چند ہی دنوں میں تیل کی قیمت 78 ڈالر سے بڑھ کر 106 ڈالر جبکہ ڈیزل تقریباً 150 ڈالر فی بیرل تک جا پہنچا ہے۔

ان عالمی دباؤ کے باوجود پاکستان میں اضافہ محدود رکھا گیا ہے۔ واضح کر دینا چاہتا ہوں کہ اس…

— Senator Tallal Chaudry (@TallalPMLN) March 7, 2026

وفاقی وزیر مملکت نے واضح کیا کہ اس صورتحال کا فائدہ اٹھا کر ذخیرہ اندوزی یا ناجائز منافع خوری کے ذریعے عوام کو لوٹنے والوں کے خلاف سخت کارروائی کی جائے گی۔ ان کا کہنا تھا کہ ریاست اپنی رٹ ہر صورت قائم کرے گی۔

یہ بھی پڑھیں: ملک میں پٹرولیم مصنوعات کی قلت سے متعلق ترجمان اوگرا کا اہم بیان آگیا