نائب وزیراعظم اسحاق ڈار اور چینی وزیر خارجہ کا رابطہ، مشرق وسطیٰ میں فوری جنگ بندی اور امن پر زور

نائب وزیراعظم و وزیر خارجہ محمد اسحاق ڈار نے چین کے وزیر خارجہ وانگ ای کے ساتھ ٹیلیفونک رابطہ کیا جس میں مشرق وسطیٰ کی موجودہ صورتحال پر تفصیلی تبادلہ خیال کیا گیا۔

وزیرخارجہ اسحاق ڈار نے سماجی رابطے کی ویب سائٹ ایکس پر لکھا کہ میری اپنے دوست وانگ یی، جو کمیونسٹ پارٹی آف چائنا کی مرکزی کمیٹی کے پولیٹیکل بیورو کے رکن اور عوامی جمہوریہ چین کے وزیر خارجہ ہیں، ان سے  ایشیا کی بدلتی ہوئی صورتحال پر خوشگوار گفتگو ہوئی اور ہم نے مشرقِ وسطیٰ اور وسیع تر خطے میں امن اور استحکام کی بحالی کی ضرورت پر اتفاق کیا۔

It was pleasure to speak today with my friend, His Excellency Wang Yi, Member of the Political Bureau of the CPC Central Committee and Foreign Minister of the People’s Republic of China, on the evolving situation in the West Asia.

We reaffirmed the need to restore peace and…

— Ishaq Dar (@MIshaqDar50) March 27, 2026

گفتگو کے دوران کشیدگی کے خاتمے، امن مذاکرات کی بحالی اور عام شہریوں کے تحفظ کو یقینی بنانے پر بھی اتفاق کیا گیا۔

دریں اثنا ترجمان دفتر خارجہ طاہر اندرابی کے بیان کے مطابق  دونوں رہنماؤں نے مشرق وسطیٰ میں فوری جنگ بندی اور امن کی بحالی کی ضرورت پر زور دیتے ہوئے خطے میں استحکام کے لیے تمام کوششوں کی حمایت کا اعادہ کیا۔

فریقین نے بحری گزرگاہوں کی سیکیورٹی کو برقرار رکھنے اور اقوام متحدہ کے چارٹر کی پاسداری کی اہمیت پر زور دیا اور  چینی وزیر خارجہ وانگ ای نے قیام امن کے لیے پاکستان کی کوششوں کو سراہتے ہوئے ان کا اعتراف کیا۔

دونوں ممالک نے اس عزم کا اظہار کیا کہ تمام تنازعات کو بات چیت اور سفارت کاری کے ذریعے حل کرنے کی کوششیں جاری رکھی جائیں گی۔

یاد رہے کہ گزشتہ روز نائب وزیراعظم و وزیر خارجہ سینیٹر اسحاق ڈار نے اردن کے وزیرخارجہ سے ٹیلی فونک گفتگو کی، جس میں حالیہ علاقائی اور عالمی صورتحال پر تبادلہ خیال کیا گیا تھا۔