عمرہ زائرین کیلئے خوشخبری، ’ای گیٹس‘ سروس کا باقاعدہ آغاز

سعودی عرب میں ڈائریکٹریٹ آف امیگریشن اینڈ پاسپورٹ (جوازات) کی جانب سے جدہ اور مدینہ منورہ کے انٹرنیشنل ایئرپورٹس پرعمرہ زائرین کی سہولت کے لیے ’ای گیٹس‘ سروس کا باقاعدہ آغاز کر دیا گیا ہے۔

سعودی خبررساں ادارے کی رپورٹ کے مطابق سعودی محکمہ جوازات نے جدہ کے شاہ عبدالعزیز انٹرنیشنل ایئرپورٹ اور مدینہ منورہ کے شہزادہ محمد بن عبدالعزیز انٹرنیشنل ایئرپورٹ پر عمرہ زائرین کی سہولت کے لیے امیگریشن سیلف سروس متعارف کرائی ہے۔

یہ بھی پڑھیں : رمضان المبارک میں عمرہ ویزا کیسے حاصل کریں ، اجرا سے روانگی تک تفصیل جانیے

رپورٹس کے مطابق سیلف سروس کے لیے انتہائی جدید ترین ڈیجیٹل سسٹم فراہم کیا گیا ہے جس کے ذریعے رمضان المبارک میں عمرہ سیزن کے دوران دنیا بھر سے آنیوالے اور عمرہ کی ادائیگی کے بعد واپس جانیوالے زائرین بآسانی اور بلا تاخیر امیگریشن کا مرحلہ مکمل کر سکیں گے۔

یہ بھی پڑھیں : عمرہ زائرین کے لئے سعودی عرب سے اہم خبر آگئی

ان خود کارگیٹس کے ذریعے زائر کے  مکمل ڈیٹا کی تصدیق لمحوں میں ہو جاتی ہے یعنی آمد  اور ایگزٹ کی کارروائی خود کار طریقے سے مکمل ہو جاتی ہے اور زائرین کو امیگریشن کے لیے قطار میں لگنے کی ضرورت نہیں ہوتی۔