علیمہ خان کے بیٹے کی لاہور میں بسنت منانے کی ویڈیو پر وائرل، پارٹی کارکنوں کو پوسٹ کرنے سے روک دیا گیا

عمران خان کے جیل میں قید ، ان کی بہن علیمہ خان ہر ہفتے اڈیالہ جیل کے باہر بھائی کی رہائی کے لئے سڑکوں پر احتجاج کرتی ہے جبکہ دوسری جانب علیمہ خان کے بیٹے شیراز کی لاہور میں بیوی بچوں کے ساتھ بسنت منانے کی ویڈیو سامنے آئی ہے جسے سوشل میڈیا صارفین اور تحریک انصاف کے کارکنان کی جانب سے شدید تنقید کا نشانہ بنایا جارہا ہے۔ 

سوشل میڈیا پر وائرل ویڈیو کے میں علیمہ خان کے بیٹے شیراز کو بیوی بچوں کے ہمراہ لاہور میں بسنت مناتے ہوئے دیکھا جا سکتا ہے، جس پر عوامی حلقوں اور پارٹی کارکنوں کی جانب سے سوالات اٹھائے جا رہے ہیں کہ ایک طرف پارٹی قیادت اور کارکن عمران خان کی قید کے معاملے پر قربانی دے رہے ہیں جبکہ دوسری طرف خاندان کے افراد تفریحی سرگرمیوں میں مصروف ہیں۔

اطلاعات کے مطابق پارٹی کے اندر کارکنوں کو خبردار بھی کیا گیا ہے کہ اگر کسی نے اس حوالے سے سوشل میڈیا پر پوسٹ کر کے گستاخی کی تو اسے پارٹی سے نکال دیا جائے گا۔

ماموں اڈیالہ میں، بہن روز اڈیالہ کے باہر میڈیا شو لگانے پہنچ جاتی ہے جبکہ بہن کے بچوں کی لاہور میں بسنت کی چرخیاں گھما کر موجیں۔
کل تک بسنت پر شور و شر، آج خود پتنگیں اڑا رہے۔
قربانی عوام دے، مزے اشرافیہ کے؟
انکے پیچھے لگنے والی عوام کی آنکھیں اب کھل جانی چاہییں۔ pic.twitter.com/F9IEYVeHAZ

— Raza Butt (@SocialDigitally) February 7, 2026

پارٹی کارکنان نے سوشل میڈیا پر اپنے خیالات کا اظہار کرتے ہوئے لکھا کہ ایک طرف ماموں اڈیالہ جیل میں موجود ہیں جبکہ دوسری طرف بہن روزانہ اڈیالہ جیل کے باہر میڈیا شو کے لیے پہنچتی ہیں، دوسری جانب بہن کے بچوں کی جانب سے لاہور میں بسنت کی سرگرمیوں میں حصہ لینے پر عوامی سطح پر شدید ردعمل سامنے آ رہا ہے۔

پی ٹی آئی کارکنوں کا کہنا ہے کہ کل تک بسنت کے خلاف شور و شر کیا جاتا رہا، جبکہ اب خود پتنگیں اڑائی جا رہی ہیں۔

یہ بھی پڑھیں: پی ٹی آئی بکھرنے لگی،علیمہ خان اور مشعال یوسفز ئی آمنے سامنے

پی ٹی آئی کارکنان کی جانب سے یہ سوال بھی اٹھایا جا رہا ہے کہ کیا قربانی عوام دیں اور مزے اشرافیہ کرے، اور اب ان کے پیچھے لگنے والی عوام کی آنکھیں کھل جانی چاہئیں۔