مودی کے شائننگ انڈیا کے بلند و بانگ نعرے، زمینی حقائق کے سامنے زمیں بوس

مودی کے شائننگ انڈیا کے بلند و بانگ نعرے، زمینی حقائق کے سامنے زمیں بوس، بھارت کے زوال پذیر معاشی اشاریوں نے مودی کے نام نہاد ترقی کے دعووں کی قلعی کھول دی۔

عالمی خبررساں ادارہ رائٹرز نے خبردار کیا ہے کہ بھارت کے معاشی اشاریے تیزی سے زوال پذیر ہو رہے ہیں، جس سے وزیر اعظم نریندر مودی کے ترقی کے دعوے شدید تنقید کی زد میں آ گئے ہیں۔

رائٹرز کے مطابق مشرق وسطیٰ میں جاری تنازعات اور عالمی تجارتی دباؤ کے باعث بھارتی اسٹاک مارکیٹ مارچ 2020 کے بعد بدترین سطح پر پہنچ گئی ہے، پاک بھارت کشیدگی، امریکی تجارتی دباؤ اور ایرانی جنگ کے اثرات سے بھارتی بینکوں کے حصص میں 2.5 فیصد تک کمی واقع ہوئی ہے۔

یہ بھی پڑھیں :نفرت، سنسنی اور جھوٹ کا پرچار ، بھارت کا گودی میڈیا بین الاقوامی سطح پر بے نقاب

عالمی خبررساں ادارے نے مزید بتایا کہ بھارت کا نجی شعبہ تین سال کی کمزور ترین شرح نمو کا شکار ہے، جبکہ ملک کی جی ڈی پی نمو 8.4 فیصد سے کم ہو کر 7.8 فیصد رہ گئی ہے، اس دوران آبنائے ہرمز کی بندش سے تیل کی قیمتوں میں 40 فیصد سے زائد اضافہ ہوا، اور کرنٹ اکاؤنٹ خسارہ 1.3 فیصد تک بڑھ گیا ہے۔

عالمی ماہرین کا کہنا ہے کہ مودی حکومت کی غیر مؤثر حکمت عملی اور دوغلی پالیسیاں بھارت کی معیشت کو توانائی، کرنسی اور ترسیلات زر کے بحران میں دھکیل رہی ہیں، اس کے نتیجے میں غیرملکی سرمایہ کاروں کا اعتماد بھی کمزور ہو گیا ہے۔

🚨🚨مودی کے شائننگ انڈیا کے بلند و بانگ نعرے، زمینی حقائق کے سامنے زمیں بوس۔۔بھارت کے زوال پذیر معاشی اشاریوں نے مودی کے نام نہاد ترقی کے دعووں کی قلعی کھول دی ۔۔۔عالمی خبررساں ادارہ “رائٹرز” نے یہود وہنود گٹھ جوڑ کے بھارتی معیشت پر بدترین منفی اثرات کا پول کھول دیا pic.twitter.com/ges9wrtTI9

— Azaad Urdu (@azaad_urdu) March 31, 2026