پیٹرول پمپس مالکان ہٹرتال کریں گے یا نہیں؟ اہم اعلان ہوگیا

پیٹرولیم ڈیلرز ایسوسی ایشن نے 27 مارچ کو ہونے والی ہڑتال کو موخر کر دیا ہے۔ ایسوسی ایشن نے پٹرول اور ڈیزل کی فروخت پر منافع میں اضافے کا مطالبہ کیا تھا، لیکن ایران، امریکہ اور اسرائیل کے درمیان جاری کشیدہ صورت حال کے پیش نظر ہڑتال ملتوی کر دی گئی۔

صدر ایسوسی ایشن لاہور جہانزیب ملک نے کہا کہ لاہور میں فی لیٹر پٹرول پر 6 روپے 70 پیسے منافع دیا جا رہا ہے، اور وہ سیل پر 8 فیصد منافع کا مطالبہ کر رہے تھے۔ انہوں نے بتایا کہ موجودہ بین الاقوامی صورتحال کے پیش نظر عوام کی سہولت کو مدنظر رکھتے ہوئے ہڑتال کو موخر کرنے کا فیصلہ کیا گیا ہے۔

یہ بھی پڑھیں:امریکا ایران مزاکرات کے مثبت اثرات ،تیل کی قیمتوں میں بڑی کمی

حکومت کی جانب سے جاری بیان میں کہا گیا ہے کہ مارچ اور اپریل کے لیے پیٹرولیم مصنوعات کی درآمدات یقینی بنا دی گئی ہیں۔ ملک میں پٹرول اور ڈیزل کا ذخیرہ تسلی بخش ہے اور تیل کی سپلائی چین مکمل طور پر مستحکم ہے۔ ریفائنریز معمول کے مطابق پیداوار جاری رکھے ہوئے ہیں، جس سے ملکی سطح پر پیٹرول اور ڈیزل کی فراہمی میں کوئی خلل نہیں آنے کا امکان ہے۔

ماہرین کا کہنا ہے کہ بین الاقوامی کشیدگی کے دوران ایندھن کی قیمتوں میں غیر متوقع اتار چڑھاؤ دیکھنے کو مل سکتا ہے، لیکن فی الوقت مارکیٹ میں اسٹاک کی موجودگی عوام کو ہڑتال یا کمی کے اثرات سے محفوظ رکھے گی۔