سیکیورٹی چیلنجز سے نمٹنے کیلئے باخبر قیادت، قومی یکجہتی اور مربوط پالیسی سازی ضروری ہے، صدر مملکت

صدر مملکت آصف علی زرداری نے کہا ہے کہ پاکستان کو درپیش سیکیورٹی چیلنجز سے نمٹنے کے لیے باخبر قیادت، قومی یکجہتی اور مربوط پالیسی سازی ضروری ہے۔

 صدر مملکت آصف زرداری نے نیشنل ڈیفنس یونیورسٹی کا دورہ کیا ہے جہاں انہوں نے 27 ویں نیشنل سکیورٹی ورکشاپ کے شرکا سے خطاب کیا۔

آئی ایس پی آر کے مطابق ورکشاپ میں اراکین پارلیمنٹ، سینئر سول و ملٹری افسران، تعلیمی اداروں اور سول سوسائٹی کے نمائندوں نے شرکت کی۔

آئی ایس پی آر کے مطابق صدرِ مملکت نے ورکشاپ مکمل کرنے پر شرکاء کو مبارکباد دی اور قومی سلامتی سے متعلق آگاہی بڑھانے میں اِن کی لگن کو سراہا۔

صدرِ مملکت نے قومی یکجہتی اور مربوط پالیسی سازی کی اہمیت پر زور دیا اور کہا کہ پاکستان کو درپیش سیکیورٹی چیلنجز کیلئے جامع حکمت عملی ناگزیرہے۔

مزید پڑھیں:فیلڈ مارشل کی کوششوں سے پاکستانی معیشت بحال، سرمایہ کاری کے اعتماد میں نمایاں اضافہ ہوا،بلومبرگ کی رپورٹ

صدر مملکت نے اختتامی تقریب میں گریجویٹ شرکاء میں اسناد بھی تقسیم کیں۔

پاک فوج کے شعبہ تعلقات عامہ کی جانب سے بتایا گیا کہ نیشنل سکیورٹی ورکشاپ ملک میں قومی سطح پر مکالمے کو فروغ دینے کا پلیٹ فارم ہے، ورکشاپ ادارہ جاتی صلاحیت بڑھانے اور قومی سلامتی کے لئے مشترکہ قومی حکمتِ عملی کو آگے بڑھانے کا پلیٹ فارم بھی ہے۔