بھارتی وزیرِ دفاع کے کراچی پر قبضے کی بڑھک پر کینیڈا میں سکھوں کا بھارتی ہائی کمیشن کے باہر احتجاجی مظاہرہ

کینیڈا میں سکھ برادری کے افراد نے بھارتی وزیرِ دفاع راجناتھ سنگھ کے پاکستان سے متعلق حالیہ بیان کے خلاف ٹورنٹو میں بھارتی ہائی کمیشن کے باہر احتجاجی مظاہرہ کیا۔

یہ بھی پڑھیں:فیلڈ مارشل سید عاصم منیر کا کرتارپور کا دورہ، ہمدردی کی عمدہ مثال پر سکھ کمیونٹی کا زبردست خراج تحسین

مظاہرین نے اپنے ہاتھوں میں پاکستان اور خالصتان کے پرچم تھام رکھے تھے اور وہ مودی حکومت کے خلاف اور خالصتان کے حق میں نعرے لگا رہے تھے۔

منتظمین کے مطابق احتجاج مختلف سکھ تنظیموں کی جانب سے کیا گیا تھا، جنہوں نے بھارتی وزیر کے صوبہ سندھ سے متعلق بیان پر سخت ردعمل کا اظہار کیا۔

یہ بھی پڑھیں:برطانیہ میں سکھ کارکن اوتار سنگھ کھندہ کی پراسرار موت، فرانزک ماہر ین کا زہر دیئے جانے کا انکشاف، خاندان کا انکوائری کا مطالبہ

مظاہرے سے خطاب کرتے ہوئے سکھ رہنماؤں نے کہا کہ بھارتی حکام کو پاکستان کے داخلی معاملات پر بات کرنے کے بجائے ’اپنے ملک‘پر توجہ دینی چاہیے، جو ان کے بقول خود اندرونی انتشار کا شکار ہے‘۔

مقررین کا کہنا تھا کہ ’بھارت سیاسی تقسیم کی جانب بڑھ رہا ہے اور مختلف علاقوں میں خودمختاری کے مطالبات شدت اختیار کر رہے ہیں‘۔ انہوں نے اپنی دیرینہ پوزیشن دہراتے ہوئے کہا کہ ’بھارتی پنجاب بہت جلد علیحدہ ہو کر ایک خودمختار خالصتان ریاست بنے گا‘۔ واضح رہے کہ بھارتی وزیر دفاع راجناتھ سنگھ نے دعویٰ کیا تھا کہ سندھ بھارت کا حصہ ہے اور مستقبل میں وہ بھارت کا حصہ بن سکتا ہے۔

مزید پڑھیں:مودی آپ کو اپنی سیاست کیلئے قربان کرنا چاہتا ہے، پاکستان کے خلاف جنگ مت لڑیں، گرپتونت سنگھ کا سکھ کمیونٹی کے لیے ویڈیو پیغام

احتجاج پُرامن رہا اور مظاہرین نے بین الاقوامی برادری سے مطالبہ کیا کہ وہ ’بھارت میں انسانی حقوق کے مسائل‘ اور سکھوں کی ’سیاسی جدوجہد‘ کا نوٹس لے۔ کینیڈین حکام نے صورتحال پر نظر رکھی، تاہم کسی ناخوشگوار واقعے کی اطلاع نہیں ملی۔