دوسری جانب بلوچستان کی وزارت تعلیم کے مطابق سرد علاقوں میں 16 دسمبر سے اڑھائی ماہ کیلئے سرکاری و نجی سکول بند رہیں گے، یہ شیڈول تمام سرکاری اور نجی سکولوں پر یکساں طور پر لاگو ہو گا۔
تعلیمی حکام کے مطابق موسم سرما کی تعطیلات کے بعد اسکول اس وقت دوبارہ کھولے جائیں گے جب درجہ حرارت میں مناسب بہتری آ جائے گی، تاکہ طلبہ کے لیے محفوظ اور سازگار تعلیمی ماحول یقینی بنایا جا سکے، شدید سردی کے پیشِ نظر یہ فیصلہ ہر سال کیا جاتا ہے اور والدین سمیت تعلیمی حلقوں کی جانب سے اسے طلبہ کی صحت و سلامتی کے لیے ضروری قرار دیا جاتا ہے۔
خیال رہے کہ پنجاب حکومت نے اسکول کے اوقات کار میں تبدیلی بھی کی تھی ، اسکول کے اوقات میں تبدیلی کا مقصد صبح کے وقت ٹریفک کے دباؤ کو کم کرنا اور سموگ کی شدت میں کمی لانا ہے، تاکہ گاڑیوں سے خارج ہونے والے آلودگی کے ذرات میں کمی واقع ہو سکے۔
حکومت نے واضح کیا تھا کہ اس ہدایت کی خلاف ورزی کرنے والے تعلیمی اداروں کے خلاف کارروائی کی جائے گی، خلاف ورزی کی صورت میں اسکولوں پر ایک ہزار سے دس لاکھ روپے تک جرمانہ عائد کیا جا سکتا ہے۔
By 
