اسلام آباد کے بعد راولپنڈی میں بھی دفعہ 144کا نفاذ کردیا گیا ہے،اسلحے کی نمائش،ڈبل سواری، جلسے جلوسوں پر مکمل پابندی ہوگی،راولپنڈی میں دفعہ 144کا نفاذ تین دن کیلئے کیا گیا ہے ۔نوٹیفکیشن کے مطابق پانچ یا اس سے زائد افراد جمع ہونے پر پابندی ہوگی، دفعہ 144کا نفاذ امن برقرار رکھنے کیلئے کیا گیا ہے
انتظامیہ کی جانب سے جاری نوٹیفکیشن کے مطابق کسی کی غیر قانونی سرگرمی پر قانون فوری حرکت میں آئے گا۔ڈی سی راولپنڈی کی طرف سے جاری کئے گئے نوٹیفکیشن کے مطابق خلاف ورزی کرنے والوں کے خلاف سخت کارروائی عمل میں لائی جائے گی انتظامیہ کا کہنا ہے کہ امن و امان کی صورتحال برقرار رکھنے کے لیے یہ اقدام ضروری تھا اور شہریوں کی حفاظت کو اولین ترجیح دی جا رہی ہے۔
واضح رہے کہ دفعہ 144 کے تحت عوامی مقامات پر اکٹھا ہونے، جلوس نکالنے یا احتجاج کرنے پر مکمل پابندی عائد کی جاتی ہے اس قانون کا مقصد کسی بھی ہنگامی صورتحال یا ممکنہ تشدد سے بچاؤ کرنا ہوتا ہے۔
ضلعی انتظامیہ نے مزید کہا کہ کسی بھی خلاف ورزی کی صورت میں قانونی کارروائی کی جائے گی اور قانون نافذ کرنے والے ادارے فوری طور پر مداخلت کریںگےشہریوں کو محتاط رہنے کی ہدایت کی گئی ہے ۔
اس سے قبل ضلعی انتظامیہ کی طرف سے وفاقی دارالحکومت میں دفعہ 144نافذ کردی گئی ہے ، انتظامیہ کی طرف سے کہا گیا ہے کسی بھی جلسے جلوس یااحتجاج کی اجازت نہیں دی جائے گی۔
دفعہ144کی خلاف ورزی کرنے والوں کے خلاف کارروائی عمل میں جائے گی اور گرفتاریاں بھی ہوں گی وفاقی دارالحکومت میں کسی بھی قسم کے احتجاج، جلسے، یا جلوس کی اجازت نہیں ہوگی۔
ضلعی انتظامیہ کے مطابق دفعہ 144 کے تحت شہریوں کی حفاظت اور امن و امان کو یقینی بنایا جائے گا اس قانون کے نفاذ کا مقصد کسی بھی غیر قانونی اجتماع یا احتجاج کے نتیجے میں ممکنہ خطرات کو ختم کرنا ہے۔
By 
