نیشنل سیونگز نے40ہزار روپے کے پریمیم پرائز بانڈ کے نتائج کا اعلان 10 دسمبر 2025 کو کر دیا جو رواں سال کی آخری قرعہ اندازی ہے۔
سنٹرل ڈائریکٹوریٹ آف نیشنل سیونگز نے 40ہزارروپے کے پریمیم پرائز بانڈ کی قرعہ اندازی کے مکمل نتائج جاری کیے جو 10 دسمبر 2025 کو منعقد ہوئی تھی۔
یہ بلند قدر والے بانڈ کی سال کی آخری قرعہ اندازی تھی جس کے نتائج کا ملک بھر کے سرمایہ کار بے چینی سے انتظار کر رہے تھے کیونکہ 40 ہزار روپے کا بانڈ اپنی بڑی انعامی رقم کی وجہ سے ہمیشہ مقبول رہا ہے۔
سرکاری ذرائع کے مطابق قرعہ اندازی مقررہ طریقہ کار کے مطابق کی گئی اور اب جیتنے والے نمبروں کی مکمل فہرست بونڈ ہولڈرز کے لیے دستیاب ہے،شرکاء کو ہدایت کی گئی ہے کہ وہ اپنے نمبرز احتیاط سے چیک کریں اور انعام کے اہل ہونے کی صورت میں متعلقہ دستاویزات تیار رکھیں۔
حکام نے یاد دہانی کرائی کہ انعام کے تمام دعوے مقررہ بینکوں کے ذریعے ہی جمع کروائے جائیں، اصل دستاویزات، بشمول پریمیم بانڈ سرٹیفکیٹ اور درست شناختی دستاویز، انعام کی پراسیسنگ کے لیے لازمی ہیں، سابقہ قرعہ اندازیوں کی طرح اس بار بھی تصدیقی نظام سخت رکھا جائے گا تاکہ شفافیت برقرار رہے اور کسی بھی غلط یا جعلی دعوے کی روک تھام ہو سکے۔
2025 کی یہ آخری قرعہ اندازی پریمیم بانڈ اسکیم میں سال بھر کی شرکت کو مکمل کرتی ہے جو اپنی حکومتی ضمانت اور بڑی انعامی رقوم کی وجہ سے ہزاروں سرمایہ کاروں کو متوجہ کرتی ہے ، نتائج جاری ہونے کے بعد جیتنے والے اپنی انعامی درخواستیں جمع کروا سکتے ہیں جبکہ دیگر سرمایہ کار اگلے سال کے شیڈول کا انتظار کریں گے۔
10 دسمبر 2025 کیقرعہ اندازی کے انعامات میں پہلا انعام (8کروڑ روپے) ، دوسرا انعام (3کروڑ روپے) اور تیسرا انعام (5لاکھ روپے فی انعام) رکھا گیا ہے ۔
By 
