ایم سی بی بینک نے اعلان کیا ہے کہ بینک کے کریڈٹ کارڈ کے ذریعے آئی فون 17 پرو، آئی فون 17 فیملی اور آئی فون ایئر خریدنے والے صارفین کے لیے صفر فیصد (0% مارک اپ) پر قسطوں کی خصوصی پیشکش متعارف کر دی گئی ہے۔
اس سہولت کے تحت صارفین بغیر کسی پروسیسنگ فیس کے اپنی خریداری کی ادائیگی 36 ماہ تک آسان اقساط میں کر سکیں گے۔ بینک کی جانب سے جاری تفصیلات کے مطابق یہ آفر محدود مدت کے لیے ہے اور 31 دسمبر 2025 تک دستیاب رہے گی۔
ایم سی بی بینک نے بتایا ہے کہ صارفین آئی فون 17 سیریز کی بکنگ 042/021-111-000-622 پر کال کر کے کروا سکتے ہیں۔ یہ ڈیوائس تین رنگوں—کاسمک اورنج، ڈیپ بلیو اور سلور—میں دستیاب ہے، جنہیں صارفین اپنی پسند کے مطابق منتخب کر سکتے ہیں۔
بینک کے مطابق اقساط کی اس خصوصی پیشکش کے ساتھ Shield+ نامی مفت حفاظتی سہولیات بھی فراہم کی جا رہی ہیں، جن میں ایک سال کی اضافی وارنٹی، فرنٹ اسکرین کی ایک مرتبہ مفت تبدیلی اور بیک گلاس کی ایک دفعہ مفت تبدیلی شامل ہے۔ اس کے علاوہ خریداروں کو ایک مفت تحفہ بھی دیا جائے گا، جو محدود اسٹاک کی دستیابی سے مشروط ہے۔
ایم سی بی بینک نے آئی فون 17 پرو کے مختلف ماڈلز کی قیمتوں اور ماہانہ اقساط کی تفصیلات بھی جاری کی ہیں، جن کے مطابق 256GB، 512GB اور 1TB ماڈلز کے لیے 3 سے 36 ماہ تک اقساط کی ادائیگی کا انتخاب کیا جا سکتا ہے۔ مثال کے طور پر آئی فون 17 پرو میکس 256GB کے لیے تین ماہ کی قسط 186,466 روپے، چھ ماہ کی 93,233 روپے جبکہ 36 ماہ کی قسط 15,539 روپے مقرر کی گئی ہے۔ اسی طرح آئی فون 17 پرو میکس 512GB کی قیمت اور اقساط، آئی فون 17 پرو 256GB، 512GB اور 1TB ماڈلز کی ماہانہ ادائیگیوں کی تفصیلات کے مطابق تمام ماڈلز پر صفر فیصد مرابحہ لاگو ہو گا۔
بینک نے واضح کیا ہے کہ یہ سہولت صرف ایم سی بی کریڈٹ کارڈ کے ذریعے کی جانے والی خریداریوں پر لاگو ہو گی اور صارفین کو نہ صرف بلاسود اقساط فراہم کی جائیں گی بلکہ کسی قسم کی پروسیسنگ فیس بھی وصول نہیں کی جائے گی۔ بینک کے مطابق یہ پیشکش 31 دسمبر 2025 تک جاری رہے گی اور مفت تحفہ و حفاظتی سہولتیں اسٹاک کی دستیابی تک فراہم کی جائیں گی۔
By 
