روایتی حریف پاکستان اور بھارت انڈر 19 ایشیاء کپ کے فائنل میں آمنے سامنے

روایتی حریف پاکستان اور بھارت ایک بار پھر سے انڈر 19 ایشیاء کپ کے فائنل میں پہنچ آمنے سامنے آگئے ، سیمی فائنل میں پاکستان نے بنگلادیش کو 8 وکٹوں سے شکست دی جبکہ بھارت نے سری لنکا کو شکست دیکر فائنل کے لیئے کوالیفائی کیا۔

تفصیلات کے مطابق اتوار کو دبئی میں کھیلے جانے والے فائنل میں روایتی حریف پاکستان اور بھارت آمنے سامنے ہوں گے۔ سیمی فائنل میں پاکستان نے بنگلادیش کو 8 وکٹوں سے شکست دے دی، 122 رنز کا ہدف 17 ویں اوور میں حاصل کر لیا۔

سمیر منہاس نے شاندار 69 رنز بنائے، عبدالسبحان نے 4 وکٹیں لیں، بارش کے باعث کھیل 27 اوورز تک محدود کر دیا گیا تھا۔ دوسرے سیمی فائنل میں بھارت نے سری لنکا کو شکست دے کر فائنل میں جگہ بنائی۔

قبل ازیں دبئی میں کھیلے گئے ایونٹ کے ناک آؤٹ مقابلے میں پاکستان نے 122 رنز کا ہدف 17 ویں اوور میں 2 وکٹوں کے نقصان پر حاصل کیا۔ پاکستان کی جانب سے سمیر منہاس 69 رنز ناٹ آؤٹ بنا کر نمایاں رہے۔

عثمان خان 27 اور حمزہ ظہور 0 کے انفرادی اسکور پر آؤٹ ہوئے۔ احمد حسین 11 رنز بنا کر ناٹ آؤٹ پویلین لوٹے۔بنگلادیش کی جانب سے اقبال حسین ایمان اور سمیع النبصیر نے 1، 1 وکٹ حاصل کی۔

اس سے قبل پاکستان کی دعوت پر پہلے بیٹنگ کرتے ہوئے بنگلا دیش کی ٹیم 121 رنز بنا کر 27 ویں اوور میں ڈھیر ہوئی۔

بنگلا دیش کی جانب سے سمیع النبصیر 33 رنز بنا کر نمایاں رہے۔ کپتان عزیز الحکیم 20، رفعت بیگ 14، شیخ پرویز جبون 9، جواد ابرار 9، کلام صدیقی 8، فرید حسن 7، محمد عبداللہ 5، ایم ڈی سوبج 2 اور سعد اسلام 0 کے انفرادی اسکور پر آؤٹ ہوئے۔ اقبال حسین ایمان 1 رن بنا کر ناٹ آؤٹ پویلین لوٹے۔

پاکستان کی جانب سے عبدالسبحان اور حذیفہ احسن نے بالترتیب 4 اور 2 کھلاریوں کو آؤٹ کیا۔ علی رضا، محمد صیام اور احمد حسین نے 1، 1 وکٹ حاصل کی۔ دوسرئ جانب بھارت نے سیمی فائنل میں سری لنکا کو شکست دیکر فائنل کے لیے کوالیفائی کیا ہے اور اتوار کے روز روایتی حریف پاکستان اور بھارت ایک بار پھرسے آمنے سامنے ہونگے۔