امریکی میڈیا کی رپورٹس کے مطابق اسرائیل نے ایران پر ایک بار پھر ممکنہ حملے کے لیے منصوبہ بندی شروع کر دی ہے، ذرائع کا کہنا ہے کہ اسرائیلی وزیر اعظم اس سلسلے میں امریکی صدر کو بریفنگ دینے کا ارادہ رکھتے ہیں تاکہ دونوں ممالک ممکنہ خطرات اور حکمت عملی پر تبادلہ خیال کر سکیں۔
رپورٹ کے مطابق اسرائیلی قیادت ایران کے بیلسٹک میزائل پروگرام میں کسی بھی توسیع کو فوری خطرہ سمجھتی ہے اور اس کے جواب میں فوری کارروائی کی ضرورت پیش آ سکتی ہے۔
ایران کی جانب سے جوہری افزودگی کے مراکز کی دوبارہ بحالی بھی اس خدشے کو مزید بڑھا رہی ہے امریکی میڈیا کے مطابق اسرائیلی حکام کا کہنا ہے کہ ایران کی یہ سرگرمیاں خطے میں عدم استحکام پیدا کرنے کا سبب بن سکتی ہیں اور عالمی سطح پر سلامتی کے لیے خطرہ ہیں۔
رپورٹس میں یہ بھی بتایا گیا ہے کہ ایران کی کرنسی میں حالیہ دنوں میں ریکارڈ کمی واقع ہوئی ہے جو اقتصادی طور پر ملک کی داخلی صورتحال پر منفی اثر ڈال سکتی ہے۔اسرائیلی وزیراعظم کے مطابق اگر ایران اپنے میزائل یا جوہری پروگرام میں مزید پیش رفت کرتا ہے تو اسرائیل کو اپنے دفاع کے لیے فوری اور مؤثر اقدامات کرنے کی ضرورت ہوگی۔
اس سلسلے میں دونوں ممالک کے درمیان سیاسی اور دفاعی مشاورت جاری ہے تاکہ خطے میں ممکنہ بحران کو روکنے کے لیے منصوبہ بندی کی جا سکے۔
ماہرین کا کہنا ہے کہ ایران کے جوہری اور بیلسٹک میزائل پروگرام کی نگرانی عالمی برادری کے لیے ایک حساس موضوع ہے اور کسی بھی ممکنہ حملے کے خطرے سے خطے میں سلامتی کے توازن پر اثر پڑ سکتا ہے۔
اسرائیل اور امریکہ اس وقت اپنی حکمت عملی مرتب کر رہے ہیں تاکہ اگر ضروری ہوا تو فوری ردعمل دیا جا سکے جبکہ ایران کی داخلی اور اقتصادی صورتحال بھی مسلسل نگرانی میں رکھی جا رہی ہے۔
By 
