By پنجاب کے مختلف شہروں میں پڑنے والے شدید دھند کے سبب موٹرویز کو متعدد مقامات پر ٹریفک کے لئے بند کر دیا گیا ہے۔
تفصیلات کے مطابق ترجمان سینٹرل ریجن کی جانب سے کیے جانے والے اعلان میں مختلف مقامات پر موٹرویز کو مسافروں کی آمد و رفت کیلیے بند کردیا گیا ہے۔
عوام کی جان و مال کے تحفظ کیلیے کیے گئے اقدامات کے تحت موٹروے ایم 3 جڑانوالہ سے رجانہ تک
موٹروے ایم 4 فیصل آباد سے ملتان تک اور موٹروے ایم 5 ملتان سے روہڑی تک دھند کی وجہ سے ، ٹریفک کے لئے بند کر دی گئی ہے۔
ترجمان سینٹرل ریجن نے اپنے بیان میں کہا ہے کہ متعدد مقامات سے موٹرویز کی بندش کا اولین مقصد عوام کی جان و مال کا تحفظ ہے۔
انہوں نے کہا کہ ڈرائیور حضرات کیلیے دھند میں لین کی خلاف ورزی خطرناک حادثات کا باعث ہو سکتی ہے، روڈ یوزرز لین ڈسپلن پر سختی سے عمل درآمد کریں۔
ترجمان کا کہنا ہے کہ شہری موٹرویز پر دن کے اوقات میں سفر کو ترجیح دیں، دھند میں صبح 10 تا شام 6تک محفوظ سفری اوقات ہیں، ڈرائیور حضرات فوگ لائٹس لازمی استعمال کریں۔
مزید پڑھیں: برزل پاس پر برف ہٹانے کے آپریشن کے دوران برفانی تودہ گرنے سے پاک فوج کے کیپٹن سمیت تین افراد شہید
