یورپی یونین نے شام کو امداد دینے کے ساتھ اہم مطالبہ بھی کر دیا

یورپی یونین نے شام کو بحالی اور انسانی امداد کے لیے 722 ملین ڈالر دیتے ہوئے حلب میں بات چیت کا مطالبہ کیا ہے۔

یوروپی کمیشن کی صدر ارسولا وان ڈیر لیین کا کہنا ہے کہ یورپی یونین شام کو جنگ کے بعد بحالی، دو طرفہ مدد اور انسانی امداد کے لیے اس سال اور اگلے سال تقریباً 620 ملین یورو ($722m) دے گا۔

انہوں نے شام کے دارالحکومت دمشق کے دورے کے دوران کہا کہ “بشار الاسد کی حکومت کے تحت برسوں کی تباہی کے بعد، شام کی بحالی اور تعمیر نو کی بہت زیادہ ضرورتیں ہیں، اور میں اسے اپنی آنکھوں سے دیکھ سکتی ہوں۔”

وان ڈیر لیین نے کہا کہ یورپی یونین شام کے ساتھ تعاون کے معاہدے کو بحال کرنے پر بات چیت شروع کرنا چاہتی ہے اور یہ کہ وہ ملک کے ساتھ ایک نئی سیاسی شراکت داری کا آغاز کرے گی جس میں 2026 کی پہلی ششماہی میں اعلیٰ سطحی مذاکرات بھی شامل ہیں۔

مزید پڑھیں: اٹلی پاکستانی شہریوں کیلئے نوکریوں میں کوٹہ مختص کرنے والا پہلا یورپی ملک بن گیا

وان ڈیر لیین نے کہا کہ شمالی شام کے شہر حلب میں اس ہفتے حکومتی فورسز اور کرد جنگجوؤں کے درمیان حالیہ بڑھتا ہوا تشدد “تشویش ناک” تھا، اور تمام فریقوں کے درمیان بات چیت جاری رکھنے کی “فوری ضرورت” تھی۔