سیاسی و عسکری قیادت کی مثالی ہم آہنگی سے پاکستان کو سفارتی، معاشی اور دفاعی کامیابیاں حاصل ہو رہی ہیں: رضوان رضی

تجزیہ کار رضوان رضی نے موجودہ سیاسی صورتحال پر اپنے خیالات کا اظہار کرتے ہوئے کہا ہے کہ پاکستان کی تاریخ میں یہ پہلی مرتبہ ہے کہ سیاسی اور عسکری قیادت ایک انتہائی مربوط اور منظم انداز میں ایک دوسرے کے ساتھ آگے بڑھ رہی ہے۔

انہوں نے کہا کہ اسی غیر معمولی ہم آہنگی کے نتیجے میں پاکستان کو سفارتی، معاشی اور دفاعی محاذوں پر ایسی کامیابیاں حاصل ہو رہی ہیں جنہیں گننا بھی مشکل ہو گیا ہے۔

رضوان رضی کا کہنا تھا کہ تاریخ میں پہلی بار پاکستان کی سیاسی قیادت اور اسٹیبلشمنٹ اس قدر مربوط طریقے سے مل کر کام کر رہی ہیں، جس کے مثبت اثرات واضح طور پر سامنے آ رہے ہیں۔ انہوں نے کہا کہ اس باہمی تعاون کے باعث پاکستان نے نہ صرف سفارتی سطح پر بلکہ دفاعی محاذ پر بھی نمایاں کامیابیاں حاصل کی ہیں۔

انہوں نے اس امر پر افسوس کا اظہار کیا کہ ان کامیابیوں پر سنجیدہ بحث کے بجائے کچھ عناصر جان بوجھ کر منفی باتیں پھیلا رہے ہیں اور یہ تاثر دینے کی کوشش کر رہے ہیں کہ یہ ہم آہنگی برقرار نہیں رہ سکتی۔ رضوان رضی کے مطابق اس قسم کی باتیں بے بنیاد ہیں اور زمینی حقائق کے برعکس ہیں۔

تجزیہ کار نے کہا کہ موجودہ حالات میں سیاسی اور عسکری قیادت کے درمیان مضبوط رابطہ اور اعتماد پاکستان کے لیے ایک بڑی طاقت ہے۔ ان کے مطابق اسی یکجہتی کی بدولت پاکستان مختلف محاذوں پر آگے بڑھ رہا ہے اور مستقبل میں بھی اس کے مثبت نتائج سامنے آتے رہیں گے۔

یہ بھی پڑھیں: حکومت اور افواجِ پاکستان میں مکمل ہم آہنگی، اختلافات کی افواہیں بے بنیاد قرار، اعلیٰ سطحی ذرائع