عطا ءتارڑ نے پاک افغان بین الاقوامی سرحد سے متعلق گمراہ کن پروپیگنڈہ مسترد کردیا

وفاقی وزیر اطلاعات و نشریات عطااللہ تارڑ نے پاک افغان بین الاقوامی سرحد سے متعلق پھیلائے جانے والے گمراہ کن اور بے بنیاد بیانیے کو سختی سے مسترد کرتے ہوئے واضح کیا ہے کہ پاکستان اپنی بین الاقوامی طور پر تسلیم شدہ سرحدوں کے تحفظ اور ان کے احترام پر کسی قسم کا سمجھوتہ نہیں کرے گا۔

انہوں نے کہا کہ پاک افغان سرحد ایک تسلیم شدہ بین الاقوامی سرحد ہے اور اسے اسی حیثیت میں سمجھنا اور اس کے مطابق عمل کرنا ناگزیر ہے]وزیر اطلاعات نے سماجی رابطے کی ویب سائٹ ایکس پر جاری اپنے بیان میں کہا کہ بین الاقوامی قوانین اور اصولوں کے تحت سرحدوں کا احترام ہر ریاست کی بنیادی ذمہ داری ہے۔

بین الاقوامی سرحد کو بین الاقوامی سرحد ہی سمجھنا چاہیے اور اس کے مطابق عمل بھی کرنا چاہیے ۔ سہیل آفریدی ان چند لوگوں میں سے ہیں جنکو یہ بات فلحال سمجھ نہیں آ رہی۔ pic.twitter.com/UgmWtNK1fd

— Attaullah Tarar (@TararAttaullah) January 13, 2026

انہوں نےکہا کہ پاک افغان سرحد کے حوالے سے کسی بھی قسم کی ابہام پیدا کرنے کی کوششیں نہ صرف حقائق کے منافی ہیں بلکہ خطے کے امن و استحکام کے لیے بھی نقصان دہ ثابت ہو سکتی ہیں،عطااللہ تارڑ کا کہنا تھا کہ بدقسمتی سے کچھ عناصراس معاملے پر گمراہ کن پروپیگنڈا کر رہے ہیں، جس کا مقصد عوام کو الجھن میں ڈالنا اور ریاستی مؤقف کو کمزور دکھانا ہے۔

انہوں نے واضح الفاظ میں کہا کہ سہیل آفریدی ان چند لوگوں میں شامل ہیں جنہیں فی الحال یہ بنیادی حقیقت سمجھ نہیں آ رہی کہ پاک افغان سرحد ایک بین الاقوامی سرحد ہے اور اس کی قانونی و آئینی حیثیت پر کوئی سوال نہیں اٹھایا جا سکتا۔