By آزاد کشمیر میں حکومت نے مظاہرہ کرنیوالی عوامی ایکشن کمیٹی کے مطالبات منظور کر لیے اور معاہدہ طے پاگیا ۔
تفصیلات کے مطابق چیف سیکرٹری آزاد کشمیر نے تصدیق کی ہے کہ آل جموں کشمیر عوامی ایکشن کمیٹی کے تمام مطالبات کو تسلیم کر لیا گیا ہے اور مطالبات کی منظوری سے متعلق معاہدہ بھی طے پا چکا ہے۔ اس کے علاوہ آزاد کشمیر میں انٹرنیٹ سروسز بھی بحال ہوچکی ہیں۔ دوسری جانب حکوت آزاد کشمیر نے آٹے کی فی من قیمت اور بجلی کے نرخوں میں بھی کمی کا نوٹفیکیشن جاری کر دیا ہے۔نوٹیفیکیشن کے مطابق فی من آٹا 2ہزار روپے جبکہ 100یونٹس تک بجلی کی قیمت 3روپے فی یونٹ مقرر کر دی گئی ہے۔300یونٹس تک بجلی 5روپے فی یونٹ جبکہ300یونٹس سے زائد بجلی استعمال کرنے پر 6 روپے فی یونٹ قیمت مقرر کر دی گئی ہے۔
مزید پڑھیں: آٹے کا تھیلا 500 روپے سستا ہو گیا
نوٹیفکیشن کے مطابق کمرشل 300 یونٹ تک 10 روپے اور 300 سے زائد پر 15 روپے فی یونٹ قیمت مقرر کی گئی ہے۔خیال رہے کہ بجلی کے بلوں اور مہنگائی کے خلاف عوامی ایکشن کمیٹی کی اپیل پر آزاد کشمیر میں احتجاج ہوا اور مختلف شہروں سے قافلوں نے لانگ مارچ کیا۔آزاد کشمیر میں احتجاج اور تصادم کے دوران کئی مظاہرین زخمی ہوئے اور ایک پولیس اے ایس آئی بھی جاں بحق ہوا۔
