پنجاب میں اداروں کی کارکردگی کاجائزہ لینے کیلئے مانیٹرنگ سسٹم کا آغاز

پنجاب حکومت نے صوبہ بھر کے اداروں کی کارکردگی کا جائزہ لینے کے لیئے نیا مانیٹرنگ سسٹم متعارف کرا دیا۔

تفصیلات کے مطابق وزیر اعلی مریم نوازکی انسپکشن ٹیمیں مزکورہ کے پی آئی پر مانیٹرنگ کریں گی۔ عوامی مسائل کی نگرانی کے لیے 22 شعبوں پر مبنی کے پی آئیز نافذکی گئیں’روٹی ، اشیائے ضروریہ، سڑکیں، ہسپتال اور سکول مانیٹر ہوں گے۔

ہر ضلع میں آن گرائونڈ ٹیموں کے ذریعے کارکردگی چیک کی جائے گی۔ سپیشل برانچ، میڈیا اور سوشل میڈیا رپورٹس بھی شامل ہیں۔ پی ایس سی اے کیمروں کی لائیو فیڈ سے صوبہ بھر کی نگرانی ہوگی۔ مانیٹرنگ سسٹم متعارف کرانیکا مقصد فوری اصلاح اور جوابدہی ہوگی ،نیا مانیٹرنگ سسٹم عوامی شکایات کے فوری حل میں مدد دے گا۔

پنجاب حکومت کے اس اقدام کے تحت ضلع راولپنڈی میں کارکردگی کی نگرانی کا نیا نظام متعارف کرایا گیا ہے جس میں ضلعی انتظامیہ کی کارکردگی کو جانچنے اور رپورٹ کرنے کے لیے 25 رکنی فورس تشکیل دی گئی ہے۔

ڈپٹی کمشنر ڈاکٹر حسن وقار چیمہ نے کہا کہ وزیراعلیٰ نے سروس ڈیلیوری کو بہتر بنانے، احتساب کو مضبوط بنانے اور عوامی شکایات کے بروقت حل کو یقینی بنانے کے لیے ضلعی سطح پر کارکردگی کی نگرانی کا نظام شروع کرنے کی ہدایت کی ہے۔

مزید جانیئے: ٹریفک پولیس پنجاب میں روزانہ کتنے ٹریفک چالان کرتی ہے؟ ایڈیشنل آئی جی کے چشم کُشا انکشافات

انہوں نے کہا کہ نئے نظام کے تحت انسپکشن ٹیمیں ضلع بھر میں کلیدی کارکردگی کے اشاریوں (KPIs) کی نگرانی کریں گی۔ یہ KPIs 22 مختلف شعبوں کے لیے تیار کیے گئے ہیں اور ان مسائل کو قریب سے ٹریک کرنے کے لیے ڈیزائن کیے گئے ہیں جو براہ راست عوام کو متاثر کرتے ہیں۔

انہوں نے کہا کہ اس اقدام کا مقصد عوامی شکایات کا بروقت جواب، مسائل کے فوری حل اور ضلع بھر میں فیلڈ سطح پر موثر نگرانی کو یقینی بنانا ہے۔

22 مختلف شعبوں کے لیے کلیدی کارکردگی کے اہداف تیار کیے گئے ہیں تاکہ عوام کو براہ راست متاثر کرنے والے مسائل کو قریب سے ٹریک کرکے حل نکالا جا سکے۔انہوں نے کہا کہ راولپنڈی ضلع میں 25 رکنی فورس تشکیل دی گئی ہے، اور صوبائی حکومت نے انہیں سڑکوں، ہسپتالوں اور عوامی مقامات پر جانے کے لیے موٹر سائیکلیں فراہم کی ہیں۔

ٹیمیں آوارہ کتوں، کھلے مین ہولز، صفائی کے مسائل، ہسپتالوں میں ادویات کی عدم دستیابی، مریضوں کی شکایات اور دیگر مسائل جیسے مسائل کی رپورٹ انتظامیہ کو دیں گی۔