پی ایس ایل کی نئی ٹیم ’’سیالکوٹ‘‘ کا مکمل نام اور لوگو سامنے آگیا

پاکستان سپر لیگ (پی ایس ایل) سیزن 11شروع ہونے سے قبل نئی شامل ہونے والی فرنچائز سیالکوٹ اسٹالینز نے اپنا باضابطہ لوگو جاری کر دیا ہے۔ اس اعلان کے ساتھ ہی شائقینِ کرکٹ کو پہلی مرتبہ ٹیم کی برانڈنگ اور شناخت کی واضح جھلک دیکھنے کو ملی ہے، کیونکہ یہ فرنچائز اپنے ڈیبیو سیزن کی تیاریوں میں مصروف ہے۔

پی ایس ایل کی سب سے مہنگی فرنچائز سمجھی جانے والی سیالکوٹ ٹیم کے مکمل نام کا باضابطہ اعلان بھی کر دیا گیا ہے۔ ’اوزید‘ گروپ کے چیئرمین نے شریک مالک کامل خان اور دیگر اسٹیک ہولڈرز کے ہمراہ ٹیم کے نام سے پردہ اٹھایا۔ اس موقع پر اعلان کیا گیا کہ سیالکوٹ کی فرنچائز کا نام باضابطہ طور پر “سیالکوٹ اسٹالینز” رکھا گیا ہے۔

جاری کیے گئے لوگو میں ٹیم کا نام “Sialkot Stallionz” نمایاں انداز میں دھاتی طرز کی بولڈ تحریر میں دکھایا گیا ہے، جو گہرے رنگ کے پس منظر پر ترتیب دیا گیا ہے۔ لوگو کے نیچے “EST. 2026” درج ہے، جس کا مقصد اس بات کو واضح کرنا ہے کہ یہ ایک نئی قائم ہونے والی پی ایس ایل فرنچائز ہے اور اس کا کسی بھی طرح ماضی کی سیالکوٹ اسٹالینز ٹیم سے باضابطہ تسلسل یا وابستگی نہیں، بلکہ یہ اپنی الگ شناخت کے ساتھ میدان میں اتر رہی ہے۔

You guessed it. You waited. Now, I am proud to officially introduce “SIALKOT STALLIONZ” @PSLStallionz
Excited to be part of the Pakistan Super League journey 🏏
You can also follow us on Instagram “SialkotStallionzPSL” @thePSLt20 @TheRealPCB @MajeedHamz84164 #PSL #HBLPSL pic.twitter.com/zX9qNiuhh9

— kamil khan (@13kamilkhan) January 21, 2026